പാലക്കാട്: കുഴൽമന്ദത്ത് കാട്ടുപന്നിയിടിച്ച് അപകടം. ബൈക്ക് യാത്രക്കാരായ ദമ്പതികൾക്കും അഞ്ചുവയസുകാരനായ മകനും പരിക്കേറ്റു. മഞ്ഞളൂർ വെട്ടുകാട്ടിൽ രത്നാകരൻ (48), ഭാര്യ രമണി (34), മകൻ ഐപിൻ ദേവ് (5) എന്നിവർക്കാണ് പരിക്കേറ്റത്. പന്നിക്കോട് – കണ്ണാടി റോഡിൽ തില്ലങ്കാടിനും പന്നിക്കോടിനും ഇടയിൽ വെച്ചാണ് സംഭവം.
നെന്മാറയിലേക്ക് പോകുമ്പോൾ പാഞ്ഞ് വന്ന കാട്ടുപന്നിയിടിച്ച് ബൈക്ക് മറിയുകയായിരുന്നു. കഴിഞ്ഞ ദിവസം രാത്രി 7. 30 നായിരുന്നു അപകടം നടന്നത്. അപകടത്തില്‍ രത്നാകരൻ്റെ ഇടത് കൈയിലെ എല്ല് പൊട്ടി. മൂവരും ആലത്തൂരിലെ സ്വകാര്യ ആശുപത്രിയിൽ ചികിത്സ തേടി.
