മലയാള സിനിമയിലെ സൂപ്പർ താര സഹോദരങ്ങളാണ്ണ് ഇന്ദ്രജിത്ത് സുകുമാരനും, പൃഥ്വിരാജ് സുകുമാരനും. അഭിനയത്തിൽ മാത്രമല്ല അധികമാർക്കും ഇല്ലാത്ത സൂപ്പർ പേരുകൾ കൊണ്ടും ഈ താര സഹോദരങ്ങൾ ആരാധകരുടെ ശ്രദ്ധ പിടിച്ചുപറ്റിയിട്ടുണ്ട്.
ഇവരുടെ പേരുകൾ പോലെ ഉച്ചരിക്കാൻ കടുകട്ടി തോന്നുന്നതും ഒരു പ്രത്യേക ഗാംഭീര്യം തോന്നുന്നതുമായ പേരുകൾ പൊതുവെ കുറവാണ് മലയാള സിനിമയിൽ. ഇതുപോലെ ഒരു കിടിലൻ പേര് മറ്റാർക്കുണ്ട് എന്ന ചോദ്യത്തിന് ഒരിക്കൽ പൃഥ്വി മറുപടി പറഞ്ഞിരുന്നു.
‘പൃഥ്വിരാജ്, ഇന്ദ്രജിത്ത് എന്നിങ്ങനെ അച്ഛനിട്ട ഈ വെടിച്ചില്ല് പേരുപോലെ പേരുകൾ പോലെ കേട്ട മറ്റൊരു പേര് എന്താണ്?’ എന്നൊരു ചോദ്യത്തിനാണ് പൃഥ്വി മറുപടി പറഞ്ഞത്. ‘വളരെ അൺയൂഷൽ ആയിട്ട് ഞാൻ കേട്ടത് ബിജു ചേട്ടന്റെ, അതായത് ബിജു മേനോന്റെ മോന്റെ പേരാണ്, ദക്ഷ് ധാർമിക് എന്നാണ് അവന്റെ പേര്. ഞാൻ ബിജു ചേട്ടനോട് ചോദിക്കാറുണ്ട്, സത്യം പറ ബിജു ചേട്ടാ നിങ്ങൾക്ക് ആ പേര് പറയാൻ പറ്റുമോ എന്ന്’ എന്നാണ് പൃഥ്വിരാജ് പറഞ്ഞത്.
ബിജു മേനോന്റെയും സംയുക്തയുടെയും ഏക മകനാണ് ദക്ഷ് ധാർമിക് എന്ന 17 കാരൻ. കുഞ്ഞിന്റെ പേരിലെ ദക്ഷ് എന്ന പേര് താനാണ് തിരഞ്ഞെടുത്തത് എന്നും ധാർമിക് എന്ന പേര് ഭർത്താവ് ബിജു മേനോന്റെ സെലെക്ഷൻ ആണെന്നും മുൻപൊരിക്കൽ ഒരു അഭിമുഖത്തിൽ സംസംയുക്ത വ്യക്തമാക്കിയിരുന്നു.
പൃഥ്വിക്കും ഇന്ദ്രനും ഈ പേരുകൾ തിരഞ്ഞെടുത്തത് അവരുടെ അച്ഛനായ നടൻ സുകുമാരൻ ആയിരുന്നു. അവർ പഠിക്കുന്ന ക്ലാസുകളിൽ അതേ പേരിൽ ആരും ഉണ്ടാകരുത് എന്നും പേരുകൾ വ്യത്യസ്തമായിരിക്കണം എന്നുമുള്ള അദ്ദേഹത്തിന്റെ തീരുമാനം ആയിരുന്നു ഈ പേരുകൾക്ക് പിന്നിൽ എന്ന് മല്ലിക സുകുമാരൻ ഒരിക്കൽ വ്യക്തമാക്കിയിരുന്നു.
