പാലക്കാട്:പാലക്കാട് വാളയാറിൽ ഛത്തീസ്ഗഡ് സ്വദേശിയായ രാം നാരായണനെ തല്ലിക്കൊന്ന സംഭവത്തിൽ ഒടുവിൽ പൊലീസ് നിലപാട് കടുപ്പിക്കുന്നു.
സംഭവം നടന്ന് ഏഴാം ദിവസം പ്രതികൾക്കെതിരെ ഭാരതീയ ന്യായ സംഹിതയിലെ ആൾക്കൂട്ടക്കൊലപാതകം
(103 (2)), എസ്സി – എസ്ടി അതിക്രമം തടയൽ തുടങ്ങിയ ഗുരുതര വകുപ്പുകൾ ചുമത്തി.
അന്വേഷണത്തിൽ തുടക്കത്തിൽ വീഴ്ചയുണ്ടായെന്ന വലിയ പ്രതിഷേധങ്ങൾക്കിടെയാണ് പൊലീസിന്റെ ഈ നീക്കം.
പ്രതികൾക്കായി വലവിരിച്ച് പൊലീസ്; രണ്ട് പേർ കൂടി പിടിയിൽ
കേസിൽ രണ്ട് പേരെ കൂടി പൊലീസ് ഇന്ന് അറസ്റ്റ് ചെയ്തു. അട്ടപ്പള്ളം സ്വദേശികളായ ജഗദീഷ്, വിനോദ് എന്നിവരാണ് പിടിയിലായത്.
തെരുവുനായ്ക്കൾക്ക് ഭക്ഷണം നൽകുന്നത് തടയുന്നത് കുറ്റകരമോ? നിർണ്ണായക വിധിയുമായി ഹൈക്കോടതി
ഇവരും മർദ്ദനത്തിൽ നേരിട്ട് പങ്കെടുത്തവരാണെന്ന് കണ്ടെത്തിയിട്ടുണ്ട്.
അറസ്റ്റിലായവർ കോൺഗ്രസ് പ്രവർത്തകരാണെന്ന ആരോപണവുമായി ബിജെപി രംഗത്തെത്തിയതോടെ വിഷയം രാഷ്ട്രീയ വടംവലിക്കും വഴിവെച്ചിരിക്കുകയാണ്.
തെളിവ് നശിപ്പിക്കാൻ നീക്കം? പൊലീസിനെതിരെ വിമർശനം
ക്രൂരമായ മർദ്ദനം നടക്കുമ്പോൾ നിരവധി പേർ മൊബൈൽ ഫോണുകളിൽ ദൃശ്യങ്ങൾ പകർത്തിയിരുന്നു.
എന്നാൽ ഈ ദൃശ്യങ്ങൾ ശേഖരിക്കുന്നതിലും പ്രതികളെ ഉടൻ പിടികൂടുന്നതിലും പൊലീസിന് വൻ വീഴ്ച പറ്റിയെന്നാണ് ആരോപണം.
ആദ്യ രണ്ട് ദിവസങ്ങളിൽ പൊലീസ് കാര്യമായ നടപടി എടുക്കാത്തതിനെത്തുടർന്ന് പ്രതികൾ തമിഴ്നാട്ടിലേക്ക് കടന്നു.
മർദ്ദന ദൃശ്യങ്ങൾ പകർത്തിയ ഫോണുകൾ നശിപ്പിച്ചതായും അന്വേഷണ സംഘം സംശയിക്കുന്നു.
ഉറപ്പുമായി ഡിജിപി; കുടുംബത്തിന് നീതി ലഭിക്കുമോ?
മരിച്ച രാം നാരായണന്റെ കുടുംബത്തിന്റെ കടുത്ത സമ്മർദ്ദത്തിന് വഴങ്ങിയാണ് ഇപ്പോൾ പുതിയ വകുപ്പുകൾ ചേർത്തിരിക്കുന്നത്.
പ്രതികളുടെ രാഷ്ട്രീയ പശ്ചാത്തലം നോക്കാതെ കർശന നടപടിയെടുക്കുമെന്ന് ഡിജിപി ഉറപ്പ് നൽകി.
കൂടുതൽ പ്രതികൾ ഉടൻ പിടിയിലാകുമെന്നും അന്വേഷണത്തിൽ വീഴ്ച വരുത്തിയവർക്കെതിരെ നടപടിയുണ്ടാകുമെന്നും അദ്ദേഹം കൂട്ടിച്ചേർത്തു.
English Summary
In a significant development in the Walayar mob lynching case, Kerala Police have invoked severe charges, including mob lynching under section 103(2) of the Bharatiya Nyaya Sanhita (BNS) and the SC/ST Prevention of Atrocities Act. This move follows intense criticism regarding initial police negligence and failure to collect digital evidence.
