എസ്എൻഡിപി–എൻഎസ്എസ് ലയനം: ഇനി പൊതുചർച്ച വേണ്ടെന്ന് വെള്ളാപ്പള്ളി നടേശൻ
കൊച്ചി: എസ്എൻഡിപി–എൻഎസ്എസ് ലയനവുമായി ബന്ധപ്പെട്ട വിഷയത്തിൽ ഇനി പൊതുചർച്ച ആവശ്യമില്ലെന്ന് എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ പറഞ്ഞു.
വിഷയത്തിൽ മാധ്യമ വിചാരണ അവസാനിപ്പിക്കണമെന്നും സംഘടനയുടെ നിലപാടിനെക്കുറിച്ച് തെറ്റായ ധാരണകൾ പരത്തുന്നത് ഒഴിവാക്കണമെന്നും അദ്ദേഹം ആവശ്യപ്പെട്ടു.
എസ്എൻഡിപി സമുദായത്തിൽ വിവിധ രാഷ്ട്രീയ പാർട്ടികളിൽ പ്രവർത്തിക്കുന്നവരുണ്ടെന്നും, ഓരോരുത്തർക്കും തങ്ങളുടെ രാഷ്ട്രീയ വിശ്വാസമനുസരിച്ച് വോട്ട് ചെയ്യാമെന്നും വെള്ളാപ്പള്ളി വ്യക്തമാക്കി.
സ്ഥാനാർത്ഥി നിർണയം പൂർത്തിയായ ശേഷം എസ്എൻഡിപി യോഗം ഡയറക്ടർ ബോർഡ് യോഗം ചേർന്ന് സംഘടനയുടെ നിലപാട് പ്രഖ്യാപിക്കുമെന്നും അദ്ദേഹം പറഞ്ഞു.
സ്വർണക്കൊള്ള വിവാദം തെരഞ്ഞെടുപ്പ് കഴിയുന്നതുവരെ മാത്രമേ നിലനിൽക്കുകയുള്ളുവെന്നും, പിന്നീട് അത് ചർച്ചാവിഷയമാകില്ലെന്നും വെള്ളാപ്പള്ളി അഭിപ്രായപ്പെട്ടു.
പിണറായി സർക്കാർ മൂന്നാം തവണ അധികാരത്തിലെത്താനുള്ള സാധ്യത ഇപ്പോഴും നിലനിൽക്കുന്നുണ്ടെന്നും അദ്ദേഹം പറഞ്ഞു.
അതേസമയം, ബിജെപിക്ക് സംസ്ഥാനത്ത് വലിയ മുന്നേറ്റമുണ്ടായിട്ടുണ്ടെന്നും, രാജീവ് ചന്ദ്രശേഖർ മുൻനിരയിൽ നിന്ന് ശക്തമായ പ്രവർത്തനം നടത്തി മുന്നേറ്റം കൈവരിച്ചിട്ടുണ്ടെന്നും വെള്ളാപ്പള്ളി നടേശൻ കൂട്ടിച്ചേർത്തു.
എസ്എൻഡിപി സമുദായത്തിൽ നിന്നുള്ള സ്ഥാനാർത്ഥിയെ വേണമെന്ന ആവശ്യം സംഘടന പ്രത്യേകമായി ഉന്നയിക്കില്ലെന്നും, സ്ഥാനാർത്ഥി നിർണയം രാഷ്ട്രീയ പാർട്ടികളുടെ പൊതുനയപ്രകാരമായിരിക്കും നടക്കുകയെന്നും അദ്ദേഹം വ്യക്തമാക്കി.
കൊച്ചി പൊന്നുരുന്നിയിൽ സംഘടിപ്പിച്ച എസ്എൻഡിപി പരിപാടിയിൽ പങ്കെടുത്ത് സംസാരിക്കവെയായിരുന്നു വെള്ളാപ്പള്ളി നടേശന്റെ പ്രതികരണം.
English Summary
SNDP Yogam General Secretary Vellappally Natesan said there is no need for further public debate on the proposed SNDP–NSS merger. He urged the media to stop speculation and clarified that people from the SNDP community are free to vote according to their political beliefs. He also said that the organisation will announce its stand only after candidates are finalised, and claimed that the gold smuggling controversy will fade after the elections. Vellappally added that the BJP has made significant gains in Kerala and that Rajeev Chandrasekhar has played a key role in this progress.
vellappally-natesan-sndp-nss-merger-no-public-debate-kochi
Vellappally Natesan, SNDP Yogam, NSS merger, Kerala politics, Rajeev Chandrasekhar, gold smuggling case, Pinarayi government, Kochi news
