യുകെ മലയാളികൾക്ക് ഞെട്ടലായി മറ്റൊരു അപ്രതീക്ഷിത മരണവാർത്ത കൂടി എത്തുകയാണ്. അവധി ആഘോഷിക്കാന് നാട്ടിലെത്തിയ ന്യൂകാസില് മലയാളി സജി മാത്യു അന്തരിച്ചു. ഇന്ന് രാവിലെ കാരിത്താസ് ആശുപത്രിയില് ആയിരുന്നു അന്ത്യം. കോട്ടയം സംക്രാന്തി സ്വദേശിയാണ്.
ന്യൂകാസില് സെന്റ് സ്റ്റീഫന് ക്നാനായ പ്രെപ്പോസ്ഡ് മിഷന് അംഗമായിരുന്നു സജി മാത്യു. നഴ്സായി ജോലി ചെയ്യുന്ന സാലിയാണ് ഭാര്യ. ദമ്പതികൾക്ക് മൂന്ന് മക്കളാണുള്ളത്. ന്യൂ കാസില് നോര്ത്ത് ഷീല്ഡിലെ ആദ്യകാല കുടിയേറ്റക്കാരനാണ് സജി മാത്യു.
സംസ്കാരം 30ന് ബുധനാഴ്ച രാവിലെ 11 മണിക്ക് കോട്ടയം സംക്രാന്തി ലിറ്റില് ഫ്ളവര് ദേവാലയത്തില് വെച്ച് നടക്കും. സജിയുടെ ആകസ്മിക വേർപാടിൽ ന്യൂസ് ഫോർ മീഡിയ ദുഃഖം രേഖപ്പെടുത്തുകയും ആദരാഞ്ജലികൾ അർപ്പിക്കുകയും ചെയ്യുന്നു.
