വാ കീറി! കുഴൽ നാടന്റെ പ്രചാരണ ബോർഡുകൾ നശിപ്പിച്ചെന്ന് പരാതി; പോലീസ് അന്വേഷണം തുടങ്ങി
കൊല്ലം/എറണാകുളം: നിയമസഭാ തിരഞ്ഞെടുപ്പ് പ്രചരണം പുരോഗമിക്കുന്നതിനിടെ മൂവാറ്റുപുഴയിലും പുനലൂരിലും യുഡിഎഫ് സ്ഥാനാർത്ഥികളുടെ പ്രചാരണ സാമഗ്രികൾ നശിപ്പിച്ചെന്ന പരാതിയിൽ അന്വേഷണം ആരംഭിച്ചു.
നിയമസഭാ തിരഞ്ഞെടുപ്പ് പ്രചാരണത്തിനിടയിൽ സംസ്ഥാനത്ത് രാഷ്ട്രീയ സംഘർഷം ശക്തമാകുന്നതിനിടെ, മൂവാറ്റുപുഴയിലും കൊല്ലം ജില്ലയിലെ പുനലൂരിലും യുഡിഎഫ് സ്ഥാനാർത്ഥികളുടെ പ്രചാരണ സാമഗ്രികൾ നശിപ്പിച്ചതായി പരാതി ഉയർന്നു.
എറണാകുളം ജില്ലയിലെ മൂവാറ്റുപുഴയിൽ യുഡിഎഫ് സ്ഥാനാർത്ഥിയായ മാത്യു കുഴൽനാടന്റെ ഫ്ലെക്സ് ബോർഡാണ് നശിപ്പിച്ചുവെന്നാണ് ആരോപണം.
പാലക്കുഴ മൃഗാശുപത്രിക്ക് സമീപമുള്ള സ്വകാര്യ വ്യക്തിയുടെ സ്ഥലത്ത് സ്ഥാപിച്ചിരുന്ന ബോർഡാണ് അജ്ഞാതർ തകർത്തത്. സംഭവത്തിൽ യുഡിഎഫ് പ്രവർത്തകർ പോലീസിൽ പരാതി നൽകിയതിനെ തുടർന്ന് കൂത്താട്ടുകുളം പോലീസ് അന്വേഷണം ആരംഭിച്ചിട്ടുണ്ട്.
അതേസമയം, കൊല്ലം ജില്ലയിലെ പുനലൂരിലും സമാന സംഭവം റിപ്പോർട്ട് ചെയ്തു. മുസ്ലിം ലീഗ് സ്ഥാനാർത്ഥിയുടെ ചുവരെഴുത്തിൽ കരി ഓയിൽ ഒഴിച്ച് നശിപ്പിച്ചതായാണ് പരാതി. പുനലൂർ ഹൈസ്കൂൾ ജങ്ഷനിലെ ചുവരഴുത്താണ് അജ്ഞാതർ തകർത്തത്.
സംഭവങ്ങളിൽ പിന്നിൽ ആരാണെന്നത് കണ്ടെത്താൻ അന്വേഷണം പുരോഗമിക്കുകയാണെന്ന് പോലീസ് അറിയിച്ചു. തിരഞ്ഞെടുപ്പ് പ്രചാരണം ശക്തമാകുന്നതിനിടെ ഇത്തരം സംഭവങ്ങൾ രാഷ്ട്രീയ ചൂട് ഉയർത്തുന്നുണ്ട്.
English Summary
UDF alleged vandalism of campaign materials in Muvattupuzha and Punalur. Police have launched investigations into the incidents amid rising political tensions ahead of elections.
