പാചകം ചെയ്യുന്നതിനിടെ ഹോട്ടലിൽ പ്രെഷർ കുക്കർ പൊട്ടിത്തെറിച്ചു; രണ്ടുപേർക്ക് പരുക്ക്; അപകടം കുടുംബശ്രീ ഹോട്ടലിൽ

തൃശ്ശൂർ: പാചകം ചെയ്യുന്നതിനിടെ ഹോട്ടലിൽ പ്രെഷർ കുക്കർ പൊട്ടിത്തെറിച്ച് രണ്ട് സ്ത്രീകൾക്ക് പരിക്കേറ്റു. തൃശ്ശൂർ ജില്ലയിലെ വലപ്പാട് ചന്തപ്പടിയിൽ പ്രവർത്തിക്കുന്ന ജനകീയ ഹോട്ടലിലാണ് അപകടമുണ്ടായത്. വലപ്പാട് ഗ്രാമ പഞ്ചായത്തിന് കീഴിൽ കുടുംബശ്രീ പ്രവർത്തകർ നടത്തുന്ന ഹോട്ടലിൽ രാവിലെ പത്തരയോടെയാണ് സംഭവം. Two women were injured when a pressure cooker exploded in a hotel while cooking

ജനകീയ ഹോട്ടലിന്റെ നടത്തിപ്പുകാരായ എടമുട്ടം സ്വദേശികളായ കോന്നംപറമ്പത്ത് വീട്ടിൽ സുനിത മണികണ്ഠൻ (45), കുറ്റിക്കാട്ട് വീട്ടിൽ സുമിത സുധി കുമാർ (43) എന്നിവർക്കാണ് പരിക്കേറ്റത്. ഇവരെ വലപ്പാട് ദയ ആശുപത്രിയിൽ പ്രവേശിപ്പിച്ചു. പാചകം ചെയ്യുന്നതിനിടെയാണ് പ്രെഷർ കുക്കർ പൊട്ടിത്തെറിച്ചത്. ഇരുവർക്കും മുഖത്താണ് പരിക്കേറ്റിട്ടുള്ളത്.