തിരുവനന്തപുരം: ടിപി ചന്ദ്രശേഖരൻ വധക്കേസ് പ്രതികൾക്ക് ശിക്ഷായിളവിനുള്ള ശുപാര്ശ നല്കിയതുമായി ബന്ധപ്പെട്ട് ജയിൽ ഉദ്യോഗസ്ഥർക്ക് സസ്പെൻഷന്. കണ്ണൂർ ജയിലിലെ മൂന്ന് ഉദ്യോഗസ്ഥരെയാണ് സസ്പെൻഡ് ചെയ്തത്. കണ്ണൂര് സെന്ട്രല് ജയില് സൂപ്രണ്ടിന്റെ ചുമതലയുള്ള ജോയിന്റ് സൂപ്രണ്ട് കെ.എസ്. ശ്രീജിത്ത്, അസിസ്റ്റന്റ് സൂപ്രണ്ട് ഗ്രേഡ്-I ബി.ജി.അരുണ്, അസിസ്റ്റന്റ് പ്രിസണ് ഓഫീസര് ഒ.വി. രഘുനാഥ് എന്നിവർക്കെതിരെയാണ് നടപടി.(TP Case; Suspension for Kannur Jail officer)
മൂന്നുപേരെയും അന്വേഷണ വിധേയമായി സസ്പെൻഡ് ചെയ്തുകൊണ്ട് മുഖ്യമന്ത്രി പിണറായി വിജയൻ ഉത്തരവ് പുറത്തിറക്കി. പ്രതിപക്ഷം വീണ്ടും വിഷയം നിയമസഭയിൽ ഉന്നയിക്കാനിരിക്കെയാണ് സർക്കാരിന്റെ നടപടി. മൂന്ന് പേർക്ക് ശിക്ഷാ ഇളവ് നൽകി വിട്ടയക്കാനായിരുന്നു സർക്കാർ നീക്കം. ടികെ രജീഷ്,മുഹമ്മദ് ഷാഫി, അണ്ണൻ സിജിത്ത് എന്നിവരാണ് പട്ടികയിലുള്ളത്.
Read Also: 883 രൂപയ്ക്ക് വിമാനയാത്ര; കിടിലൻ ഓഫറുകളുമായി എയർ ഇന്ത്യ എക്സ്പ്രസ്
Read Also: കളിച്ചുകൊണ്ടിരിക്കെ നാണയങ്ങൾ വിഴുങ്ങി നാലു വയസുകാരി; അതിവിദഗ്ദമായി പുറത്തെടുത്ത് ഡോക്ടർ
