‘വേട്ട തുടർന്നാൽ കൊച്ചിയിലെ പോലെ കോഴിക്കോട്ടും പൊട്ടിക്കും’ ; കോഴിക്കോട് കളക്ടർക്ക് ഭീഷണിക്കത്ത് !

മാവോയിസ്റ്റുകളുടെ പേരിൽ കോഴിക്കോട് കലക്ടർക്ക് ഭീഷണിക്കത്ത്. പിണറായി പൊലീസിന്റെ വേട്ട തുടർന്നാൽ കൊച്ചിയിലെ പോലെ കോഴിക്കോട്ടും പൊട്ടിക്കുമെന്നാണ് കത്തിലെ ഉള്ളടക്കം എന്നാണു റിപ്പോർട്ട്. കലക്ടർ സ്നേഹിൽ കുമാർ സിംഗ് കത്ത് സ്പെഷ്യൽ ബ്രാഞ്ചിന് കൈമാറി. സർക്കാറിന്റെ നവകേരള സദസ് അടുത്ത ആഴ്ച നടക്കാനിരിക്കെയാണ് മാവോയിസ്റ്റുകളുടെ പേരിൽ കലക്ടർക്ക് ഭീഷണിക്കത്ത്. സ്പെഷ്യൽ ബ്രാഞ്ച് അന്വേഷണം തുടങ്ങി. വയനാട്ടിൽനിന്നും ദിവസങ്ങൾക്ക് മുമ്പാണ് രണ്ട് മാവോവാദികളെ പിടികൂടിയിരുന്നത്. പി​ടി​കൂ​ടി​യ​വ​രി​ൽ​നി​ന്ന് എ.​കെ 47 ഉ​ൾ​പ്പെ​ടെ തോ​ക്കു​ക​ൾ പിടിച്ചെടുത്തിരുന്നു.

പി​ടി​യി​ലാ​യ മാ​വോ​വാ​ദി​ക​ളെ ത​മി​ഴ്നാ​ട് ക്യൂ ​ബ്രാ​ഞ്ച്, ക​ർ​ണാ​ട​ക ആ​ന്‍റി ന​ക്സ​ല്‍ സ്ക്വാ​ഡ് ഉ​ദ്യോ​ഗ​സ്ഥ​ർ​ക്കു​പു​റ​മെ തെ​ല​ങ്കാ​ന, ആ​ന്ധ്ര, ഛത്തി​സ്ഗ​ഢ് പൊ​ലീ​സും ചോ​ദ്യം​ചെ​യ്തിരുന്നു. ഇവരെ പി​ടി​കൂ​ടി​യ​തി​ന്റെ പി​റ്റേ​ദി​വ​സം എ​ൻ.​ഐ.​എ സംഘവും അന്വേഷണത്തിന് എത്തിയിരുന്നു. തണ്ടർബോൾട്ടുമായുള്ള ഏറ്റുമുട്ടലിൽ വെ​ടി​യു​തി​ർ​ത്ത് ര​ക്ഷ​പ്പെ​ട്ട​വ​രെ ക​ണ്ടെ​ത്താ​നു​ള്ള തി​ര​ച്ചി​ൽ തു​ട​രു​ക​യാ​ണ്. കണ്ണൂർ പൊലീസ് മേധാവിയുടെ ആവശ്യത്തെ തുടർന്ന് പുതുച്ചേരി പൊലീസ് ഇന്നലെ വിവിധയിടങ്ങളിൽ അന്വേഷണം നടത്തിയിരുന്നു.