തുമ്പികൈ നനക്കാൻ പോലും വെള്ളമില്ല; ഉഷ്ണ തരംഗ മുന്നറിയിപ്പുള്ള കൊല്ലത്ത് കാട്ടാനക്ക് ജീവൻ നഷ്ടമായത് വെള്ളം കിട്ടാതെ; സംസ്ഥാനത്ത് ഇന്നലെ ചരിഞ്ഞത് രണ്ട് കാട്ടാനകൾ

കൊല്ലം: സംസ്ഥാനത്ത് രണ്ട് കാട്ടാനകൾ ചത്ത നിലയിൽ. കൊല്ലത്തും വയനാട്ടിലുമാണ് കാട്ടാനകളെ ചത്തനിലയിൽ കണ്ടെത്തിയത്. വയനാട് പനമരം നീർവാരം അമ്മാനിയിലെ കാപ്പി തോട്ടത്തിലാണ് കൊമ്പനാനയെ ജീവനറ്റനിലയിൽ കണ്ടെത്തിയത്. കൊല്ലം ജില്ലയിലെ പത്തനാപുരം പിറവന്തൂർ കടശ്ശേരിയിൽ 25 വയസ് തോന്നിക്കുന്ന കൊമ്പനാനയാണ് ചരിഞ്ഞത്. വയനാട്ടിൽ ആന തെങ്ങ് മറിച്ചിട്ടപ്പോൾ വൈദ്യുതി ലൈനിൽ തട്ടി ഷോക്കെറ്റ് ചരിഞ്ഞുവെന്നാണ് സൂചന. കാപ്പിത്തോട്ടത്തിനുള്ളിലാണ് കാട്ടാനയെ ചരിഞ്ഞ നിലയിൽ കണ്ടെത്തിയത്. പത്തനാപുരം പിറവന്തൂർ കടശ്ശേരിയിൽ കാട്ടാന ചരിഞ്ഞത് വെള്ളം കിട്ടാതെയെന്നാണ് വനം വകുപ്പിൻ്റെ സംശയം. പുന്നല ഫോറസ്റ്റ് സ്റ്റേഷൻ പരിധിയിൽ ചിതൽവെട്ടി റിസർവിൽ പിറവന്തുർ കടശ്ശേരി ഒന്നാം വാർഡിൽ കെ ഫ് ഡി സി യുടെ യൂക്കാലി കോപ്പിസ് പ്ലാൻറേഷനിലാണ് ജഡം കണ്ടെത്തിയത്. 25 വയസ് തോന്നിക്കുന്ന കൊമ്പനാനയാണ് ചരിഞ്ഞത്. പോസ്റ്റ്മോർട്ടം നടത്തി ജഡം മറവ് ചെയ്തു.

Read Also: കെണി മാറ്റി മാറ്റി വെച്ചിട്ടും രക്ഷയില്ല; തൊടുപുഴയിൽ വേട്ടക്കിറങ്ങിയ പുലി പണി തുടരുന്നു; ഹൈറേഞ്ചിൽ നിന്നും ലോ റേഞ്ചിലെത്തിയ പുലി കൂടുതൽ അപകടകാരിയാകുന്നു; ഇല്ലിചാരിയിലിറങ്ങിയ പുലി കുറുക്കനെയും നായയെയും ആക്രമിച്ചു കൊന്നു; പുലിയെ അതിൻ്റെ മടയിൽ പോയി പിടികൂടണമെന്ന് നാട്ടുകാർ