പാതിരാക്കോഴി കൂവുമ്പോൾ മോഷ്ടിക്കാനൊരു ത്രില്ലില്ല; പട്ടാപകലാണ് ഇഷ്ടം; കക്കാനും നിക്കാനും മാത്രമല്ല വാദിക്കാനും അറിയാം, കള്ളൻ സജീവൻ വക്കീൽ സജീവനായത് ഇങ്ങനെ

പൂജപ്പുരയില്‍നിന്ന് 10 പവന്‍ സ്വര്‍ണം കവര്‍ന്ന കേസില്‍ പിടിയിലായ പ്രതിയെ കൊച്ചി സിറ്റി പോലീസ് കസ്റ്റഡിയില്‍ വാങ്ങി ചോദ്യം ചെയ്യലിൽ മറ്റൊരു കേസിനുകൂടി വഴിത്തിരിവായി.The Kochi City Police took the accused in the custody another case took a turn during the interrogation

മറൈന്‍ഡ്രൈവില്‍ ചാര്‍ട്ടേഡ് അക്കൗണ്ടന്റിന്റെ ഓഫീസ് കുത്തിത്തുറന്ന് 65,500 രൂപ കവര്‍ന്ന കേസിൽ കൂടിയാണ് മോഷ്ടാവ് ഒറ്റപ്പാലം സ്വദേശി സജീവന്‍ (വക്കീല്‍ സജീവന്‍) അറസ്റ്റിലായത്.

മറൈന്‍ഡ്രൈവിലെ മോഷണം നടന്നത് കഴിഞ്ഞ ജൂലായ് 21-ന് രാവിലെ 10-നായിരുന്നു. നീളത്തിലുള്ള കമ്പി ഉപയോഗിച്ച് പൂട്ട് തകര്‍ത്തശേഷമാണ് പണം അപഹരിച്ചത്.

മോഷണത്തിന് ശേഷം ഇയാള്‍ മുംബൈയിലേക്ക് കടന്നു. മോഷണമുതല്‍ വിറ്റ് ആഡംബരജീവിതം നടത്തുകയാണ് ഇയാളുടെ പതിവെന്ന് പോലീസ് പറയുന്നു. പകല്‍സമയത്ത് മാത്രമേ മോഷണം നടത്താറുള്ളൂ.ഒറ്റക്കാണ് മോഷണം നടത്തുന്നത്.

കേരളത്തില്‍ വിവിധ സ്റ്റേഷനുകളിലായി ഇയാളുടെ പേരില്‍ 40-ലധികം കേസുകളുണ്ട്.കേസുകളെല്ലാം സ്വന്തമായി വാദിക്കുകയാണ് പതിവ് അതിനാലാണ് ‘വക്കീല്‍ സജീവന്‍’ എന്ന പേര് വന്നത്.രണ്ടുദിവസം കൊച്ചി സിറ്റി പോലീസിൻറെ കസ്റ്റഡിയിലാണ്. ഇയാളെ വിശദമായി ചോദ്യം ചെയ്യും.