സിനിമാ ഷൂട്ടിങ്ങിനിടെ നടൻ അജിത് കുമാർ ഓടിച്ച കാർ തലകീഴായി മറിഞ്ഞു അപകടം. അജിത് കുമാർ നായകനായ ‘വിടാമുയർച്ചി’ എന്ന ചിത്രത്തിന്റെ ഷൂട്ടിങ്ങിനിടെയായിരുന്നു അപകടം. അപകടത്തിൽ അജിത്തിന് പരിക്കൊന്നും ഏറ്റിട്ടില്ലെന്നാണ് സൂചന. അപകട ദൃശ്യങ്ങൾ നിർമാതാക്കളായ ലൈക്ക പ്രൊഡക്ഷൻസ് ആണ്പുറത്തുവിട്ടിരിക്കുന്നത്. ഈ വീഡിയോ ദൃശ്യങ്ങളാണ് ഇപ്പോൾ സോഷ്യൽ മീഡിയയിൽ വ്യാപകമായി പ്രചരിക്കുന്നത്.
അസർബൈജാനിലെ ഷൂട്ടിങിനിടെയായായിരുന്നു അപകടം. അജിത് അതിവേഗത്തിൽ ഓടിക്കുന്ന കാറിന്റെ നിയന്ത്രണം നഷ്ടപ്പെട്ട് മറിയുന്നൊരു സീനാണിത്. ഇതിനിടെ അജിത്തിന്റെ വാഹനം തലകീഴായി മറിയുകയായിരുന്നു. അജിത്തും സഹതാരമായ ആരവും ഉൾപ്പെടുന്ന രംഗത്തിനിടയിൽ അപകടം സംഭവിക്കുന്നതാണ് സീൻ. എന്നാൽ,
ഓടുന്ന കാർ പൊടുന്നനെ രണ്ട് വശത്തേക്കും വെട്ടിത്തിരിക്കുന്നതും പിന്നാലെ റോഡിന് സമീപത്തേക്ക് തലകീഴായി മറിയുന്നതും കാണാം. കാർ മറിയുമ്പോൾ അജിത് ‘ഈസി ഈസി’ എന്ന് പറയുന്നതും കേൾക്കാം. ഓടിയെത്തുന്ന സ്റ്റണ്ട് അസിസ്റ്റന്റുമാർ ചേർന്ന് മറിഞ്ഞ കാറിൽ നിന്ന് താരത്തെ പുറത്തെത്തിക്കുന്നതും ദൃശ്യങ്ങളിൽ വ്യക്തമാണ്.
#Vidaamuyarchi accident footage looks shocking 😱😱😱
Extraordinary effort #ThalaAjith
A #Magizhthirumeni film pic.twitter.com/778aXZg63x— Vasu Cinemas (@vasutheatre) April 4, 2024
