കുവൈറ്റ് സിറ്റി: കെയ്റോ അന്താരാഷ്ട്ര വിമാനത്താവളത്തിൽ കറൻസി കള്ളക്കടത്തിനുള്ള ശ്രമം അധികൃതർ പൊളിച്ചു. ഒരു മില്യൺ ഈജിപ്ഷ്യൻ പൗണ്ടാണ് ഷവർമ സാൻഡ്വിച്ച് പൊതിഞ്ഞ് കടത്താൻ ശ്രമിച്ചത്.The authorities foiled the smuggling attempt
ഈജിപ്ത് എയർ വിമാനത്തിൽ കുവൈറ്റിലേക്ക് യാത്ര ചെയ്യാനത്തിയ ഈജിപ്ഷ്യൻ പൗരനാണ് പിടിയിലായത്. എയർപോർട്ട് സെക്യൂരിറ്റിക്ക് ഇയാളുടെ ലഗേജുകളിൽ സംശയം തോന്നിയെന്ന് വിമാനത്താവളത്തിൽ നിന്നുള്ള വൃത്തങ്ങൾ പ്രാദേശിക മാധ്യമങ്ങളോട് പറഞ്ഞു.
പരിശോധനയിൽ, അധികാരികൾ 1,253,000 ഈജിപ്ഷ്യൻ പൗണ്ട് (ഏകദേശം 21,79,855) ഷവർമ പൊതിയുന്നതുപോലെ പായ്ക്ക് ചെയ്തതായി കണ്ടെത്തി. ഈജിപ്ത് എയർ 615 നമ്പർ വിമാനത്തിൽ യാത്രക്കാർക്കുള്ള നടപടിക്രമങ്ങൾ പൂർത്തിയാക്കുന്നതിനിടെയാണ് അറസ്റ്റ്.
സംശയം തോന്നിയതോടെ ഈജിപ്ഷ്യൻ പൗരൻറെ ബാഗുകൾ പരിശോധിക്കുകയായിരുന്നു. സ്റ്റാൻഡേർഡ് പാസഞ്ചർ സ്ക്രീനിങ്ങിൽ തന്നെ ഉദ്യോഗസ്ഥർക്ക് സംശയം ഉയർന്നു. വ്യക്തിയുടെ ലഗേജുകൾ സൂക്ഷ്മമായി പരിശോധിച്ചപ്പോൾ എയർപോർട്ട് അധികൃതർ ഷവർമക്കുള്ളിൽ വലിയ തുകകൾ ശ്രദ്ധാപൂർവ്വം ഒളിപ്പിച്ചതായി കണ്ടെത്തി. സുരക്ഷാ ജീവനക്കാരെ കബളിപ്പിക്കാനായിരുന്നു ഒളിച്ചുകളി.
