ലോകമാകമാനം ശ്രദ്ധയാകർഷിച്ച ഒന്നാണ് ദുബായ് പോലീസിന്റെ പെട്രോൾ ഫ്ലീറ്റ്. ലോകത്തിലെ ഏറ്റവും സുരക്ഷയുള്ളതും വേഗതയേറിയ വാഹനങ്ങൾ ഉൾപ്പെടുന്ന സൂപ്പർ കാർ സംഘമാണ് ദുബായ് പോലീസിന്റെത്. ഇപ്പോൾ അതിലേക്ക് ഒരു പുതിയ അതിഥി കൂടി എത്തിയിരിക്കുകയാണ്.ടെസ്ല സൈബർ ട്രക്ക്.
സൈബർ ട്രക്ക് തങ്ങളുടെ ശൃംഖലയിൽ ചേർക്കാനുള്ള തീരുമാനം അറിയിച്ചുള്ള ദുബായ് പോലീസിന്റെ എക്സ് പോസ്റ്റിനു താഴെ ‘കൂൾ’ എന്ന പ്രതികരണവുമായി ടെസ്ല സിഇഒ ഈലോൺ മസ്ക് എത്തിയിട്ടുണ്ട്. സൈബർ ട്രക്കിന്റെ രൂപകല്പനയും ഹൈടെക് സവിശേഷതകളും ദുബായ് പോലീസിന് മുതൽക്കൂട്ടാവും.
പച്ചയും വെള്ളയും നിറം കലർന്ന വാഹനമാണ് ദുബായ് പെട്രോൾ ഫ്ളീറ്റിലേക്ക് പുതുതായി ചേർത്തിരിക്കുന്നത്. ഗതാഗത നിയമങ്ങളിൽ അങ്ങേയറ്റം കണിശതയും ജാഗ്രതയും പുലർത്തുന്ന ദുബായ് പോലീസിന്റെ പ്രവർത്തനം കാര്യക്ഷമമാക്കാൻ സൈബർ ട്രക്കിന്റെ വരവോടുകൂടി സാധിക്കും എന്ന പ്രതീക്ഷയിലാണ് ദുബായ് പോലീസ്.
സൈബര് ട്രക്കിനെ ദുബായ് പൊലീസിലേക്ക് ചേര്ക്കാനുള്ള നടപടികള് 2019 നവംബര് മുതല് ആരംഭിച്ചിട്ടുണ്ട്. പൊലീസിന്റെ പൂര്ണ ബാഡ്ജോട് കൂടി പച്ചയും വെള്ളയും നിറത്തിലുള്ള വാഹനത്തിന്റെ ചിത്രമാണ് ഇപ്പോള് എക്സ് പ്ലാറ്റ്ഫോമില് പോസ്റ്റ് ചെയ്തിരിക്കുന്നത്.
