കൊച്ചി: സംസ്ഥാനത്ത് ചൊവ്വാഴ്ച വരെ ഉയർന്ന താപനില മുന്നറിയിപ്പ്. ശനിയാഴ്ച മുതല് ചൊവ്വാഴ്ച വരെ പത്തുജില്ലകളില് കടുത്ത ചൂട് അനുഭവപ്പെടുമെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കിയിട്ടുണ്ട്. ഈ ജില്ലകളിൽ യെല്ലോ അലേര്ട്ട് പ്രഖ്യാപിച്ചു.
കോട്ടയം, കൊല്ലം, തൃശ്ശൂര് ജില്ലകളില് ഉയര്ന്ന താപനില 39°C വരെയും പത്തനംതിട്ട ജില്ലയില് 38°C വരെയും ആലപ്പുഴ, എറണാകുളം, മലപ്പുറം, കോഴിക്കോട് ജില്ലകളില് 37°C വരെയും തിരുവനന്തപുരം, പാലക്കാട് ജില്ലകളില് 36°C വരെയും (സാധാരണയെക്കാള് 2 – 4 °C കൂടുതല്) രേഖപ്പെടുത്താന് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകി.
ഉയര്ന്ന താപനിലയും ഈര്പ്പമുള്ള വായുവും കാരണം ഈ ജില്ലകളില് മലയോര മേഖലകളിലൊഴികെ ഈ ദിവസങ്ങളില് ചൂടും അസ്വസ്ഥതയുമുള്ള കാലാവസ്ഥയ്ക്കും സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.
