ഭിന്നശേഷിക്കാരിയോട് അധ്യാപികയുടെ കൊടുംക്രൂരത; കൈ ചൂടുവെള്ളം ഒഴിച്ച് പൊള്ളിച്ചു
മലപ്പുറം: ഭിന്നശേഷിക്കാരിയായ യുവതിയുടെ കൈ അധ്യാപിക ചൂടുവെള്ളം ഒഴിച്ച് പൊള്ളിച്ചതായി പരാതി. മലപ്പുറം വളാഞ്ചേരിയിൽ ആണ് കൊടുംക്രൂരത നടന്നത്. സംഭവത്തിൽ വലിയകുന്ന് പുനർജനിയിലെ അധ്യാപികക്കെതിരെ 25കാരിയായ യുവതി പൊലീസിൽ പരാതി നൽകിയിട്ടുണ്ട്.
എന്നാൽ പുനർജനിയിൽ വച്ച് ഇത്തരത്തിൽ ഒരു സംഭവം ഉണ്ടായിട്ടില്ലെന്ന് അധ്യാപിക പറഞ്ഞു. ഓട്ടോറിക്ഷയിൽ വെച്ച് പൊള്ളലേറ്റെന്നാണ് യുവതി തന്നോട് പറഞ്ഞതെന്നും അധ്യാപിക വ്യക്തമാക്കി. സംഭവത്തിൽ വളാഞ്ചേരി പൊലീസ് കേസെടുത്ത് അന്വേഷണം ആരംഭിച്ചു.
മദ്യലഹരിയില്‍ 75കാരനായ പിതാവിനെ ക്രൂരമായി മർദിച്ച് മകൻ; ആക്രമണം അമ്മയ്ക്കും സഹോദരനും മുന്നിൽവെച്ച്
ആലപ്പുഴ: ചേര്‍ത്തലയില്‍ 75കാരനായ പിതാവിനെ ക്രൂരമായി മർദിച്ച് മകൻ. ചേര്‍ത്തല പുതിയകാവ് സ്വദേശി ചന്ദ്രനാണ് മർദനമേറ്റത്. ഇദ്ദേഹത്തിന്റെ ഇളയ മകന്‍ അഖിലാണ് മദ്യലഹരിയില്‍ ആക്രമണം നടത്തിയത്.
മർദന ദൃശ്യങ്ങൾ പുറത്തു വന്നിട്ടുണ്ട്. അവശനായ പിതാവിന്റെ കഴുത്തു പിടിച്ച് ഞെരിക്കുന്നതും തലയ്ക്ക് അടിക്കുന്നതും ദൃശ്യങ്ങളിൽ കാണാം. അമ്മയ്ക്കും സഹോദരനും മുന്‍പില്‍ വെച്ചായിരുന്നു ആക്രമണം നടത്തിയത്.
സഹോദരനാണ് മർദന ദൃശ്യങ്ങള്‍ മൊബൈലില്‍ പകര്‍ത്തിയത്. മാപ്പ് പറയണമെന്ന് ആവശ്യപ്പെട്ടായിരുന്നു മര്‍ദ്ദനം. മാപ്പ് പറഞ്ഞശേഷമായിരുന്നു ആക്രമണം നിര്‍ത്തിയത്.
Summary: A shocking incident has been reported from Valanchery, Malappuram, where a teacher poured hot water on a differently-abled girl, leaving her injured.
