ലോക റോഡ് റേസ് സൈക്ലിങ് ചാമ്പ്യന്‍ഷിപ്പിനിടെ വീണ് തലയ്ക്ക് പരിക്കേറ്റ് സ്വിസ് വനിതാ താരം മുറിയല്‍ ഫററിന് ദാരുണാന്ത്യം. സൂറിച്ചില്‍ നടന്ന വനിതാ ജൂനിയര്‍ റോഡ് ആന്‍ഡ് പാരാ സൈക്ലിങ് ലോക ചാമ്പ്യന്‍ഷിപ്പിനിടെ വ്യാഴാഴ്ചയാണ് അപകടമുണ്ടായത്. 18 വയസ്സായിരുന്നു. Swiss female player Muriel Farr has a tragic end
സൂറിച്ചില്‍ വ്യാഴാഴ്ച നടന്ന റേസിങ്ങിനിടെ കനത്ത മഴയുണ്ടായിരുന്നു. ഈ നനവിലാണ് മത്സരം നടന്നത്. സംഭവത്തില്‍ അന്വേഷണം ആരംഭിച്ചു.
വ്യാഴാഴ്ച പരിക്കേറ്റ ഫറര്‍ പ്രാദേശിക സമയം വെള്ളിയാഴ്ച രാവിലെയോടെ മരിക്കുകയായിരുന്നു. റേസിങ്ങിനിടെ വീണ് തലയ്ക്ക് ഗുരുതരമായി പരിക്കറ്റ ഫററിനെ ഉടന്‍ ഹെലിക്കോപ്ടറില്‍ സൂറിച്ച് യൂണിവേഴ്‌സിറ്റി ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.
മുറിയര്‍ ഫററിന്റെ മരണത്തോടെ അന്താരാഷ്ട്ര സൈക്ലിങ് സമൂഹത്തിന് ശോഭനമായ ഭാവിയുള്ള ഒരു താരത്തെ നഷ്ടപ്പെട്ടിരിക്കുകയാണെന്ന് അന്താരാഷ്ട്ര സൈക്ലിസ്റ്റ് യൂണിയന്‍ പ്രസ്താവനയില്‍ പറഞ്ഞു. പ്രയാസമേറിയ ഈ സമയത്തെ തങ്ങളുടെ സ്വകാര്യതയെ മാനിക്കണമെന്ന് ഫററിന്റെ കുടുംബം അറിയിച്ചിട്ടുണ്ട്.
