ന്യൂഡൽഹി: ഇലക്ട്രോണിക് വോട്ടിംഗ് യന്ത്രത്തില് നിന്നുള്ള എല്ലാ വിവിപാറ്റ് സ്ലിപ്പുകളും എണ്ണണമെന്ന ഹര്ജികള് തള്ളി സുപ്രിംകോടതി. ബാലറ്റ് വോട്ടിലേക്ക് മടങ്ങില്ലെന്ന് കോടതി അറിയിച്ചു. സംവിധാനത്തെ അന്ധമായി അവിശ്വസിക്കുന്നതും ജനാധിപത്യ വിരുദ്ധമാണെന്ന് സുപ്രിംകോടതി നിരീക്ഷിച്ചു.
തെരഞ്ഞെടുപ്പിനെ ആധുനികവത്കരിക്കാനുള്ള കമ്മിഷന് ശ്രമങ്ങള് ശ്ലാഘനീയമാണ്. വിവിപാറ്റ് പൂര്ണമായി എണ്ണുക ഉചിത നിര്ദേശമല്ലെന്നും സുപ്രിംകോടതി വ്യക്തമാക്കി. ചിന്ത, വിഞ്ജാനം, അപഗ്രഥനം , വിശകലനം ഇവയൊന്നും കൂടാതെയുള്ള ആവശ്യം അംഗീകരിക്കാനാകില്ലെന്നും സുപ്രിംകോടതി പറഞ്ഞു. പേപ്പര് ബാലറ്റിലേക്ക് മടങ്ങണമെന്ന നിര്ദേശത്തിന് ഒരു അടിസ്ഥാനവുമില്ല. ഹര്ജിക്കാര് ആരെയാണ് കണ്ണടച്ച് അവിശ്വസിക്കുന്നതെന്നും കോടതി ചോദിച്ചു.
മൈക്രോ കണ്ട്രോളര് വേണണെങ്കില് പരിശോധിക്കാനുള്ള ആവശ്യം വോട്ടെണ്ണലിന് ശേഷം ഉന്നയിക്കാം. ഇതിന്റെ ചെലവ് സ്ഥാനാര്ത്ഥി വഹിക്കണം. ഫലം വന്ന് ഏഴ് ദിവസത്തിന് ശേഷം അപേക്ഷ നല്കാമെന്നും സുപ്രിംകോടതി കൂട്ടിച്ചേര്ത്തു.
Read Also: ൻ്റെ പൊന്നോ, ഒരു തരി സ്വർണം മേടിക്കാൻ സമ്മതിക്കൂല്ലാലെ; ഇന്നും കൂടി, ഇന്നത്തെ വിലയറിയാൻ
