മേപ്പാടി: എംബിബിഎസ് വിദ്യാർഥി റിസോർട്ടിലെ സ്വിമ്മിങ് പൂളിൽ ഷോക്കേറ്റ് മരിച്ച സംഭവത്തിൽ റിസോർട്ട് നടത്തിപ്പുകാരിൽ ഒരാൾ അറസ്റ്റിൽ. കുന്നമ്പറ്റ ലിറ്റിൽ വുഡ് വില്ലയെന്ന റിസോർട്ട് നടത്തിപ്പുകാരൻ കോഴിക്കോട് താമരശ്ശേരി ചുണ്ടകുന്നുമ്മൽ വീട്ടിൽ സി കെ ഷറഫുദ്ദീ (32) നെയാണ് മേപ്പാടി പൊലീസ് അറസ്റ്റ് ചെയ്തത്. വിനോദയാത്രക്കെത്തിയ ദിണ്ടിഗൽ മെഡിക്കൽ കോളേജിലെ വിദ്യാർഥി ബാലാജി (21) ആണ് ഷോക്കേറ്റു മരിച്ചത്.

സ്വിമ്മിങ് പൂളിൽ വൈദ്യുതത്തകരാർ ഉണ്ടെന്ന് മുൻകൂട്ടി അറിഞ്ഞിട്ടും പരിഹരിക്കാതെ വിദ്യാർഥികൾക്ക് പൂളിലേക്ക് പ്രവേശനം നൽകിയതാണ് അപകടത്തിന് കാരണമെന്ന് പോലീസ് കണ്ടെത്തി. മനഃപൂർവമല്ലാത്ത നരഹത്യക്കുറ്റം ചുമത്തിയാണ് ഇയാളെ അറസ്റ്റു ചെയ്തത്. പൊലീസ് നടത്തിയ അന്വേഷണത്തിൽ റിസോർട്ട് ജീവനക്കാർക്കുണ്ടായ അലംഭാവവും ഉത്തരവാദിത്വമില്ലായ്മയും തെളിഞ്ഞു.

സംഭവം നടന്നയുടൻ മേപ്പാടി പൊലീസ് സംഭവസ്ഥലം സീൽചെയ്തിരുന്നു. തുടർന്ന് ഇലക്‌ട്രിക്കൽ ഇൻസ്പെക്ടറും ഫൊറൻസിക് വിദഗ്ധരും കെ എസ് ഇ ബി അധികൃതരും പരിശോധനാ നടത്തി റിപ്പോർട്ട് പൊലീസിന് കൈമാറി. റിസോർട്ടിലെ വയറിങ് നടത്തിയ വയറിങ്ങുകാരനെ ചോദ്യം ചെയ്തതിൽ നിന്നാണ് നിർണായക വിവരങ്ങൾ അരിഞ്ഞത്. അപകടത്തിന് തലേദിവസം ഇയാളും ഷറഫുദ്ദീനും നടത്തിയ വാട്‌സാപ്പ് സന്ദേശങ്ങൾ വീണ്ടെടുത്ത് നടത്തിയ അന്വേഷണത്തിൽ ഷറഫുദ്ദീന് വൈദ്യുതത്തകരാറിനെക്കുറിച്ച് മുൻകൂട്ടി ബോധ്യമുള്ളതായും അത് ഉപയോഗിക്കരുതെന്ന വയറിങ്ങുകാരന്റെ നിർദേശം അവഗണിച്ചതായും പൊലീസിന് വ്യക്തമായി.

Read Also: ചൈനയുടെ രക്ഷ പാക്കേജിൽ രക്ഷ ഇല്ലാതെയായത് മലയാളിക്ക്, സ്വർണ്ണ വില കുത്തനെ കൂടി; സർവകാല റെക്കോർഡിൽ

Read Also: ബ്രത്തലൈസർ ചതിച്ചാശാനേ; നിലമ്പൂരിൽ മദ്യപിച്ച് ജോലിക്കെത്തിയ കെഎസ്ആർടിസി കണ്ടക്ടർ പിടിയിൽ, ഒരു മാസത്തേക്ക് വിലക്ക്

Read Also: കുതിരാൻ തുരങ്ക പാതയിലൂടെ യാത്ര ചെയ്യുന്നവരുടെ ശ്രദ്ധയ്ക്ക്; വേണ്ടത്ര ഒക്സിജൻ കിട്ടില്ല, നിങ്ങൾക്ക് ശ്വാസതടസം വന്നേക്കാം; വ്യാപക പരാതി