ചെന്നൈ: തമിഴ് സിനിമയിലെ സ്ത്രീകൾ നേരിടുന്ന ലൈംഗികാതിക്രമങ്ങളെ സംബന്ധിച്ച് പരാതികള് നല്കുന്നതിനായി സമിതി രൂപീകരിച്ച് താര സംഘടനയായ നടികര് സംഘം. നടി രോഹിണിയെ ആണ് സമിതിയുടെ അധ്യക്ഷയായി തെരഞ്ഞെടുത്തിരിക്കുന്നത്. സ്ത്രീകള് പരാതികളുമായി മുന്നോട്ട് വരണമെന്ന് രോഹിണി ആവശ്യപ്പെട്ടു. (Sexual assault in the Tamil film industry; Nadikar Sangam formed a committee)
മാധ്യമങ്ങള്ക്ക് മുന്പില് പരാതികള് വെളിപ്പെടുത്തുന്നതിന് പകരം ആഭ്യന്തരസമിതിയെ പരാതി അറിയിക്കണമെന്ന് രോഹിണി പറഞ്ഞു. അതിക്രമം നേരിട്ടവര്ക്ക് പരാതി നല്കാന് പ്രത്യേക സംവിധാനം സമിതി ഒരുക്കിയിട്ടുണ്ട്.
ഇരകള്ക്ക് നിയമ സഹായം നടികര് സംഘം നല്കും. പരാതിയില് പറയുന്ന ആരോപണം തെളിഞ്ഞാല് കുറ്റക്കാരായവരെ അഞ്ചുവര്ഷം സിനിമയില് നിന്ന് വിലക്കേര്പ്പെടുത്തുന്നതടക്കമുള്ള നടപടികള് പരിഗണനയില് ഉണ്ടെന്നും രോഹിണി കൂട്ടിച്ചേർത്തു.
സ്വകാര്യബസ്സിൽ പത്തൊന്പതുകാരിക്ക് നേരെ അതിക്രമം; കടയിരിപ്പ് സ്കൂളിലെ അധ്യാപകൻ പിടിയിൽ
