കണ്ണൂര്: വെള്ളക്കെട്ടുള്ള റോഡില് വിദ്യാര്ത്ഥികളെ ഇറക്കി വിട്ട് സ്കൂള് ബസ് ഡ്രൈവർ. ഇരുപതോളം കുട്ടികളെയാണ് ഡ്രൈവര് പാതിവഴിയിൽ ഇറക്കിവിട്ടത്. കണ്ണൂര് ചമ്പാട് ചോതാവൂര് സ്കൂളിലെ ഇരുപതോളം കുട്ടികൾക്കാണ് ദുരനുഭവം ഉണ്ടായത്.(School bus driver drops students on waterlogged road)
റോഡില് വെള്ളം കയറിയതിനാല് വീട്ടിലെത്താനാകാതെ വിദ്യാർഥികൾ വഴിയില് കുടുങ്ങുകയായിരുന്നു. കനത്ത മഴയിൽ റോഡിൽ ഒരാൾപ്പൊക്കം വെള്ളമുണ്ടായിരുന്നു. സംഭവത്തില് സ്കൂള് അധികൃതര്ക്കെതിരെ പ്രതിഷേധവുമായി നാട്ടുകാര് രംഗത്തെത്തി.
അതേസമയം, കോഴിക്കോട് ചെക്യാട് പഞ്ചായത്തിൽ സ്കൂൾ ബസ് റോഡിലെ വെള്ളക്കെട്ടിൽ കുടുങ്ങി. പാലം മറികടക്കാൻ ശ്രമിക്കവെയാണ് ബസ് വെള്ളക്കെട്ടിൽ കുടുങ്ങിയത്. ബസിൽ 25 ൽ അധികം കുട്ടികൾ ഉണ്ടായിരുന്നു. കുട്ടികളെ നാട്ടുകാർ ചേര്ന്ന് ബസ്സിൽ നിന്ന് പുറത്തിറക്കി. എൽ.കെ.ജി, യു.കെ.ജി, എൽ.പി സ്കൂൾ വിദ്യാർത്ഥികളാണ് ബസിൽ ഉണ്ടായിരുന്നത്.
Read Also: പമ്പയിൽനിന്ന് സന്നിധാനത്തേക്ക് 2.7 കി.മീറ്റർ റോപ് വേ; ഭക്തർക്കായി സർക്കാരിന്റെ പുതിയ പദ്ധതി
