വീസ കാലഹരണപ്പെടുന്നതിന് മുൻപ് രാജ്യം വിട്ടശേഷം മടങ്ങിയെത്താത്ത തൊഴിലാളികളുടെ പ്രവേശനവിലക്ക് നീക്കാൻ സൗദി ഒരുങ്ങുന്നു. നിലവിൽ മൂന്നു വർഷമാണ് ഇങ്ങിനെ നിയമം ലംഘിക്കുന്നവർക്കുള്ള പ്രവേശന വിലക്ക്. സൗദി പ്രാദേശിക മാധ്യമമായ ഒകാസയാണ് ഇതുസംബന്ധിച്ച റിപ്പോർട്ട് പുറത്തുവിട്ടത്. എക്‌സിറ്റ് , റീ എൻട്രി വീസ കാലാവധി തീരും മുൻപ് മടങ്ങിയെത്താത്ത തൊഴിലാളിളെ പ്രവേശിപ്പിക്കാൻ ജനറൽ ഡയറക്ടർ ഓഫ് പാസ്‌പോർട്ട് (ജവാസാത്ത്) എല്ലാ വകുപ്പുകൾക്കും നിർദേശം നൽകിയതായി ഒകാസ റിപ്പോർട്ട് ചെയ്യുന്നു. 2022 ലാണ് വീസ കാലാവധിയിൽ രാജ്യം വിട്ടശേഷം തിരികെയെത്താത്ത തൊഴിലാളികൾക്ക് മൂന്നു വർഷത്തെ വിലക്ക് പ്രഖ്യാപിച്ചത്.
Also read: മദ്യശാല തുറക്കാൻ സൗദി അറേബ്യയും
