ഇന്നലെമുതൽ പെയ്യുന്ന കനത്ത മഴയിൽ ഡൽഹി വിമാനത്താവളത്തിലെ മേൽക്കൂര തകർന്നുവീണു. ടെർമിനൽ ഒന്നിലെ മേൽക്കൂരയാണ് തകർന്നുവീണത്. സംഭവത്തിൽ 6 പേർക്ക് പരുക്കേറ്റു. കാറുകൾ ഉൾപ്പെടെ ഒട്ടേറെ വാഹനങ്ങൾ തകർന്നു. (Roof collapses at Delhi airport)
പുലർച്ചെ അഞ്ചരയോടെയായിരുന്നു അപകടം. മൂന്ന് ഫയര് ഫോഴ്സ് യൂണിറ്റുകള് ഉടൻ സ്ഥലത്തെത്തി രക്ഷാപ്രവര്ത്തനം നടത്തി. ശക്തമായ മഴയില് നോയിഡ, ആർ.കെ.പുരം, മോത്തിനഗര് തുടങ്ങിയ വിവിധ പ്രദേശങ്ങളില് വെള്ളം കയറിയിരിക്കുകയാണ്.
കോഴിക്കോട് അജ്ഞാത സ്ഫോടനശബ്ദം; ആളുകൾ ഭീതിയിൽ; പ്രദേശവാസികൾക്ക് ജാഗ്രതാ നിർദേശം
കോഴിക്കോട് സ്രോതസ് അറിയാത്ത ഉഗ്രശബ്ദം. ആളുകൾ പരിഭ്രാന്തിയിൽ. കല്ലാനോട് ഇല്ലിപ്പിലായി മേഖലയിലാണ് ഇന്നലെ രാത്രി ഉഗ്ര സ്ഫോടനശബ്ദം കേട്ടത്. കൂരാച്ചുണ്ട് പഞ്ചായത്തിൽ ഏഴാം വാർഡിലെ ഇല്ലിപ്പിലായി എൻആർഇപി പൂത്തോട്ട് ഭാഗത്തുണ്ടായ സ്ഫോടന ശബ്ദമാണ് ജനങ്ങളിൽ ഭീതി പരത്തിയത്. (Unknown Explosion Sound in kozhikode)
ഇന്നലെ രാത്രി 10.30നാണ് വലിയ ശബ്ദം പ്രദേശവാസികൾ കേട്ടത്. പൂത്തോട്ട് താഴെ തോടിനോട് ചേർന്ന മേഖലയിൽ വീടുകളിലെ ആളുകളെ ഇപ്പോൾ മാറ്റി താമസിപ്പിക്കുകയാണ്. ജനപ്രതിനിധികൾ അടക്കം സംഭവസ്ഥലത്തെത്തി പ്രദേശവാസികൾക്ക് ജാഗ്രത നിർദേശം നൽകി.
കല്ലാനോട് പൂവത്തും ചോല മേഖലയിലും ശബ്ദം കേട്ടതായി ജനങ്ങൾ പറഞ്ഞു. മുൻപ് മലയിടിച്ചിലിൽ ഭൂമിക്കു വിള്ളൽ സംഭവിച്ച മേഖലയാണിത്. സംഭവത്തിന് പിന്നിൽ എന്താണെന്നുള്ളതിൽ നാട്ടുകാർക്കിടയിൽ ഭിന്നാഭിപ്രായമാണ്. കഴിഞ്ഞ ദിവസങ്ങളിൽ തൃശൂരിൽ ഉണ്ടായ ഭൂചലനത്തിന്റെ ബാക്കിയാണോ ഇതെന്നാണ് ഒരു വിഭാഗത്തിന്റെ സംശയം. എന്നാൽ, ബോംബ് പൊട്ടിത്തെറിക്കുന്നതിന്റെ സാധ്യതയും നാട്ടുകാർ തള്ളിക്കളയുന്നില്ല.
