കൊച്ചി: രാജ്യത്തെ ആദ്യ റോൾസ്-റോയ്സ് ബ്ലാക്ക് ബാഡ്ജ് ഗോസ്റ്റ് സീരീസ് II കേരളത്തിൽ. 16 കോടി രൂപ ഓൺ റോഡ് വിലയുള്ള വാഹനം ലിറ്റ്മസ് 7 സിസ്റ്റംസ് കൺസൾട്ടിങ് പ്രൈവറ്റ് ലിമിറ്റഡിന്റെ മാനേജിങ് ഡയറക്ടർ വേണു ഗോപാലകൃഷ്ണനാണ് സ്വന്തമാക്കിയിരിക്കുന്നത്.
രാജ്യത്തെ ഏറ്റവും വില കൂടിയ വാഹന രജിസ്ട്രേഷൻ നമ്പർ സ്വന്തമാക്കി വേണു ഗോപാലകൃഷ്ണൻ നേരത്തെ ശ്രദ്ധനേടിയിരുന്നു. കളമശ്ശേരി ചാക്കോളാസ് പവലിയനിൽ നടന്ന ചടങ്ങിൽ റോൾസ്-റോയ്സ് ഡീലറായ ചെന്നൈ കുൻ എക്സ്ക്ലൂസീവിനെ പ്രതിനിധീകരിച്ച് സെയിൽസ് ജനറൽ മാനേജർ ഹിതേഷ് നായികും കേരള സെയിൽസ് മാനേജർ കോളിൻ എൽസണും പങ്കെടുത്തു.
റോൾസ്-റോയ്സ് ഇതുവരെ നിർമ്മിച്ചതിൽ വെച്ച് ഏറ്റവും ശക്തവും സാങ്കേതികമായി പുരോഗമിച്ചതുമായ കാറാണ് ബ്ലാക്ക് ബാഡ്ജ് ഗോസ്റ്റ് സീരീസ് II. സാധാരണ ‘ഗോസ്റ്റി’നേക്കാൾ കരുത്തും സ്റ്റൈലും കൂടിയ മോഡലാണ് ബ്ലാക് ബാഡ്ജ്.
6.75 ലീറ്റർ ട്വിൻ ടർബോ വി12 എൻജിനാണ് ഗോസ്റ്റിലുമുള്ളത്. എട്ട് സ്പീഡ് ഓട്ടമാറ്റിക് ഗിയർ ബോക്സും ഓൾ-വീൽ-ഡ്രൈവും ഓൾ-വീൽ-സ്റ്റിയറിങ് ചേസിസും ഉള്ള ഈ കാറിന് ഗോസ്റ്റ് സീരീസ് കക വിനേക്കാൾ 29 പിഎസ് കൂടുതൽ പവറും 50 ന്യൂട്ടൺ മീറ്റർ കൂടുതൽ ടോർക്കുമുണ്ട്.
