രാഷ്ട്രപതി ദ്രൗപദി മുര്മു പാര്ലമെന്റിന്റെ ഇരുസഭകളുടെയും സംയുക്ത സമ്മേളനത്തെ അഭിസംബോധചെയ്തു. 18-ാം ലോക്സഭയുടെ ആദ്യ സമ്മേളനം ലോക്സഭയില് തിങ്കളാഴ്ച ആരംഭിച്ചിരുന്നു. രാജ്യസഭ ഇന്നുമുതലാണ് തുടങ്ങുന്നത്. (President Murmu Addresses Joint Session Of Parliament. AAP Boycott the session)
മോദി സർക്കാരിൽ ജനങ്ങൾ വിശ്വാസമർപ്പിച്ചെന്നും, ഇത്തവണത്തെ ലോക്സഭാ തിരഞ്ഞെടുപ്പിലെ സ്ത്രീ പങ്കാളിത്തം എടുത്ത് പറയേണ്ടതാണെന്നും രാഷ്ട്രപതി നയപ്രഖ്യാപന പ്രസംഗത്തിൽ പറഞ്ഞു. രാജ്യതാല്പ്പര്യം മുന്നിര്ത്തി ഒന്നിച്ച് പ്രവര്ത്തിക്കാമെന്നും രാഷ്ട്രപതി പാർലമെന്റിന്റെ സംയുക്ത സമ്മേളനത്തിൽ നയപ്രഖ്യാപന പ്രസംഗത്തിനിടെ ആഹ്വാനം ചെയ്തു.
2024ലെ ലോക്സഭാ തിരഞ്ഞെടുപ്പ് ഇന്ന് ലോകമെമ്പാടും ചർച്ച ചെയ്യപ്പെടുകയാണെന്ന് പ്രസിഡൻ്റ് ദ്രൗപതി മുർമു പറഞ്ഞു. തുടർച്ചയായ മൂന്നാം തവണയും സുസ്ഥിരവും വ്യക്തവുമായ ഭൂരിപക്ഷമുള്ള സർക്കാർ രൂപീകരിക്കാൻ ഇന്ത്യയിലെ ജനങ്ങൾ വോട്ട് ചെയ്തതും ലോകം കണ്ടതായി അവർ കൂട്ടിച്ചേർത്തു.
അതേസമയം രാഷ്ട്രപതിയുടെ നയപ്രഖ്യാപന പ്രസംഗം ആം ആദ്മി പാര്ട്ടി എംപിമാര് ബഹിഷ്കരിക്കുമെന്ന് അറിയിച്ചിട്ടുണ്ട്. ഡല്ഹി മുഖ്യമന്ത്രി അരവിന്ദ് കെജ്രിവാളിനെ സിബിഐ അറസ്റ്റ് ചെയ്തതുമായി ബന്ധപ്പെട്ടാണ് ബഹിഷ്കരിക്കുന്നതെന്ന് എഎപി നേതാവ് സന്ദീപ് പതക് അറിയിച്ചു.
Read More: ‘ഗുരുവായൂരമ്പലനടയിൽ’ ഒടിടിയിൽ എത്തി; ചിത്രം ഇവിടെ കാണാം
Read More: നടൻ സിദ്ധിഖിന്റെ മകൻ റാഷിൻ അന്തരിച്ചു
