കാസര്‍കോട്: കെഎസ്ഇബി ജീവനക്കാരനെ വാഹനമിടിച്ച് കൊലപ്പെടുത്താന്‍ ശ്രമിച്ചെന്ന പരാതിയില്‍ പൊലീസ് വധശ്രമത്തിന് കേസെടുത്തു. ചിറ്റാരിക്കല്‍ നല്ലോംപുഴയിലാണ് സംഭവം. മാരിപ്പുറത്ത് ജോസഫിന്റെ മകന്‍ സന്തോഷിനെതിരെയാണ് കേസെടുത്തത്. ഇയാൾ ഒളിവിലാണ്.(Police case against those who attacked kseb officer)
ജോസഫിന്റെ വീട്ടിലെ മീറ്റര്‍ മാറ്റുന്നതുമായി ബന്ധപ്പെട്ട തര്‍ക്കമാണ് ആക്രമണത്തില്‍ കലാശിച്ചത്. ജോസഫിന്റെ വീട്ടിലെ കേടായ മീറ്റര്‍ മാറ്റി തിരികെ പോകുന്നതിടെ കെഎസ്ഇബി ജീവനക്കാരനായ അരുണ്‍കുമാറിന് നേരെ ആക്രമണം നടത്തുകയായിരുന്നു. ജീപ്പില്‍ പിന്നാലെ എത്തിയ മകന്‍ സന്തോഷാണ് ബൈക്കില്‍ സഞ്ചരിക്കുകയായിരുന്ന അരുണ്‍കുമാറിനെ ഇടിച്ചുവീഴ്ത്തിയതിനുശേഷം മര്‍ദ്ദിച്ചത്. ജാക്കി ലിവര്‍ കൊണ്ട് മര്‍ദ്ദിച്ചുവെന്നും അരുണ്‍കുമാര്‍ ആരോപിച്ചു.
ചിറ്റാരിക്കല്‍ പൊലീസ് സന്തോഷിനെതിരെ ഭാരതീയ ന്യായ സംഹിത 109 പ്രകാരമാണ് വധശ്രമത്തിനു കേസെടുത്തത്. ഒളിവില്‍ പോയ സന്തോഷിനായി അന്വേഷണം ആരംഭിച്ചിട്ടുണ്ട്.
