പ്രധാനമന്ത്രി നരേന്ദ്ര മോദിയുടെ പ്രതിമാസ റേഡിയോ സംപ്രേഷണ പരിപാടിയായ മൻ കി ബാത്ത് ജൂണ് 30-ന് പുനരാരംഭിക്കും. പ്രധാനമന്ത്രി നരേന്ദ്ര മോദി തന്നെയാണ് ഇക്കാര്യം എക്സിലൂടെ അറിയിച്ചത്. ചെറിയൊരു ഇടവേളയ്ക്ക് ശേഷം തിരിച്ചെത്തുന്നതില് സന്തോഷമുണ്ടെന്നും അദ്ദേഹം തന്റെ സോഷ്യൽ മീഡിയ അക്കൗണ്ടായ എക്സിൽ കുറിച്ചു. (PM Modi’s monthly radio broadcast ‘Mann Ki Baat’ to resume from June 30)
ഈ മാസം 28 വരെ മൻ കി ബാത്ത് പരിപാടിക്കായുള്ള ആശയങ്ങളും നിർദേശങ്ങളും പൊതുജനങ്ങള്ക്ക് അയച്ചു കൊടുക്കാവുന്നതാണ്. നാല് മാസത്തെ ഇടവേളക്ക് ശേഷമാണ് മൻ കി ബാത്ത് പുനരാരംഭിക്കുന്നത്.
ഫെബ്രുവരി 25-നാണ് മൻ കി ബാത്ത് അവസാനമായി സംപ്രേഷണം ചെയ്തത്. ഇതിന് ശേഷം ലോക്സഭാ തെരഞ്ഞെടുപ്പ് കണക്കിലെടുത്ത് നിർത്തിവെച്ചിരുന്നു. 2014 ഒക്ടോബർ 3-നാണ് മൻ കി ബാത്ത് പരിപാടി ആദ്യമായി ആരംഭിച്ചത്.
Read More: ഇൻസ്റ്റഗ്രാം ഇൻഫ്ലുവൻസറുടെ ആത്മഹത്യ; ആണ്സുഹൃത്ത് അറസ്റ്റില്; പോക്സോ ചുമത്തി
Read More: റോഡിൽ കാറുമായി അഭ്യാസ പ്രകടനം കാറും ഡ്രൈവറും പോലീസ് കസ്റ്റഡിയിൽ; വീഡിയോ കാണാം
