ചൂടാകും മുമ്പ് വോട്ടു ചെയ്യാൻ ആളുകളെത്തിതുടങ്ങി; ആപ്പ് മതി പോളിംഗ് ശതമാനം അറിയാൻ; ലോക്സഭാ തെരഞ്ഞെടുപ്പ് രണ്ടാം ഘട്ടം പോളിംഗ് പുരോഗമിക്കുന്നു

തിരുവനന്തപുരം: ലോക്സഭാ തെരഞ്ഞെടുപ്പ് രണ്ടാം ഘട്ടം പോളിംഗ് തുടങ്ങി. സംസ്ഥാനത്ത് രാവിലെ തന്നെ നിരവധി ആളുകളാണ് പോളിംഗ് ബൂത്തിലേക്ക് എത്തിയത്. വോട്ടിങ് നില എത്രയെന്ന് അറിയാനായിരിക്കും എല്ലാവരുടെയും ആകാംക്ഷ. ഇക്കുറി വോട്ടെടുപ്പ് നില എത്രശതമാനമായെന്നറിയാൻ വേറെങ്ങും പോകേണ്ട. മൊബൈൽ ഫോൺ കൈലുണ്ടെങ്കിൽ ഒരു ആപ് ഇൻസ്റ്റാൾ ചെയ്താൽ മതി. വോട്ടർ ടേൺ ഔട്ട് ആപ് ഇൻസ്റ്റാൾ ചെയ്താൽ വോട്ടിങ്​ നില അപ്പോഴപ്പോൾ അറിയാൻ സാധിക്കും. വോട്ടെടുപ്പ് ശതമാനം പൊതുജനങ്ങൾക്ക് തത്സമയം അറിയാൻ തെരഞ്ഞെടുപ്പ് കമീഷൻ പുറത്തിറക്കിയ വോട്ടർ ടേൺ ഔട്ട് ആപ്പിലൂടെ സംസ്ഥാനത്തെ മൊത്തം വോട്ടിങ് നിലയും മണ്ഡലം തിരിച്ചുള്ള വോട്ടിങ് നിലയും അപ്പപ്പോൾ അറിയാനാവും എന്നതാണ് പ്രത്യേക ത. പോളിങ് ശതമാനം രണ്ട് മണിക്കൂർ ഇടവിട്ടാണ് ആപ്പിൽ ലഭ്യമാവുക. തെരഞ്ഞെടുപ്പ് കാലയളവിൽ മാത്രമാണ് ഈ ആപ് ഉപയോഗിക്കാനാവുക.