തിരുവമ്പാടി: ബസ് നിര്ത്താത്തതിനെ തുടർന്ന് രോഷാകുലനായ യാത്രക്കാരന് ഡ്രൈവറുടെ കഴുത്തിനു പിടിച്ചു. സംഭവത്തെ തുടർന്ന് നിയന്ത്രണം വിട്ട ബസ് റോഡില്നിന്ന് അഞ്ചുമീറ്റര് ദൂരത്തില് തെന്നിമാറി. കക്കാടംപൊയില് കുന്നുംവാഴപ്പുറത്ത് പ്രകാശനാ(43)ണ് ആക്രമണത്തിന് ഇരയായത്. ഇയാളെ മുക്കം സാമൂഹികാരോഗ്യകേന്ദ്രത്തില് പ്രവേശിപ്പിച്ചു.(Passenger attacked ksrtc driver)
സംഭവത്തിൽ മാങ്കയം ഉഴുന്നാലില് അബ്രഹാമി(70)ന്റെ പേരില് തിരുവമ്പാടി പൊലീസ് കേസെടുത്തിട്ടുണ്ട്. ഇയാള് ഒളിവിലാണ്. വീടിനു മുമ്പിലെത്തിയപ്പോള് ബെല്ലടിച്ചിട്ടും വണ്ടി നിർത്താത്തതിനാലാണ് യാത്രക്കാരൻ ക്ഷുഭിതനായത്. തിരുവമ്പാടി-കക്കാടംപൊയില് റൂട്ടില് ഓടുന്ന കെഎസ്ആര്ടിസി ബസില് ബുധനാഴ്ച ഉച്ചയ്ക്ക് രണ്ടരയോടെയായിരുന്നു സംഭവം.
എന്നാൽ ബസ് യാത്രക്കാരന് സ്റ്റോപ്പ് കഴിഞ്ഞതിനുശേഷമാണ് സ്വയം ബെല്ലടിച്ചതെന്നും വളവും തിരിവുമുള്ള വീതികുറഞ്ഞ ഇടമായതും എതിരേ ടിപ്പറുകള് കടന്നുവന്നതും കാരണമാണ് നിർത്താതെ ഇരുന്നതെന്നും ഡ്രൈവര് പറഞ്ഞു. ബസില് നിറയെ യാത്രക്കാരുണ്ടായിരുന്നു. ബഹളംവെക്കുകയൊന്നും ചെയ്യാതെ അക്രമിയുടെ പൊടുന്നനെയുള്ള കൈയേറ്റം ഒട്ടും പ്രതീക്ഷിച്ചിരുന്നില്ലെന്നും ഡ്രൈവര് പ്രതികരിച്ചു.
Read Also: ‘പാർട്ടി മാറുന്നു എന്നത് ഗോസിപ്പ് മാത്രം’; ഇടതുമുന്നണിക്കൊപ്പം ഉറച്ചു നിൽക്കുമെന്ന് ജോസ് കെ മാണി
Read Also: രോഗിയെ മർദിച്ചതിനെ ചൊല്ലി തർക്കം; തിരുവനന്തപുരം മെഡിക്കൽ കോളജിൽ സെക്യൂരിറ്റി ജീവനക്കാർ തമ്മിലടിച്ചു
