ശ്രീനഗർ: ജമ്മു കശ്മീരിൽ സൈന്യവും ഭീകരരും തമ്മിൽ ഏറ്റുമുട്ടി. സൈനിക പോസ്റ്റിന് നേരെ ഭീകരർ വെടി ഉതിർക്കുകയായിരുന്നു. ഏറ്റുമുട്ടലിൽ ഒരു ഭീകരനെ വധിച്ചു.(One terrorist killed in jammu and kashmir encounter)
ഏറ്റുമുട്ടലിൽ രണ്ട് സൈനികർക്ക് പരിക്കേറ്റിട്ടുണ്ട്. കശ്മീരിലെ ഡോഡയിലാണ് ഏറ്റുമുട്ടൽ നടന്നത്. ജമ്മു കശ്മീരിൽ മൂന്ന് ദിവസത്തിനിടെ നടക്കുന്ന മൂന്നാമത്തെ ഭീകരാക്രമണമാണിത്. മേഖലയിൽ ഏറ്റുമുട്ടൽ തുടരുകയാണ്. കഴിഞ്ഞ ദിവസം തീർത്ഥാടകരുമായി പോയ വാഹനത്തിന് നേരെയുണ്ടായ ആക്രമണത്തിൽ ഒമ്പത് പേർ കൊല്ലപ്പെട്ടിരുന്നു. ഒരു ഭീകരനെ സൈന്യം വധിക്കുകയും ചെയ്തു.
ശത്രുക്കളായ അയൽക്കാരാണ് നമ്മുടെ രാജ്യത്തെ സമാധാന അന്തരീക്ഷം തകർക്കാൻ എപ്പോഴും ശ്രമിക്കുന്നതെന്ന് ആക്രമണത്തെ തുടർന്ന് ജമ്മു മേഖല ഡിജിപി ആനന്ദ് ജെയിൻ പ്രതികരിച്ചു.
