ആലപ്പുഴയിൽ ചേർത്തലക്കാരെ വട്ടം കറക്കി കുരങ്ങ് ശല്യം. ചേർത്തല KSEB ഓഫീസിന് സമീപം ആളൊഴിഞ്ഞ് കാട് പിടിച്ച് കിടക്കുന്നയിടത്താണ് കുരങ്ങിൻ്റെ താമസം. വനം വകുപ്പ് കെണി വച്ചിട്ടുപോലും അതിലൊന്നും കുടുങ്ങാതെ കുരങ്ങ് യഥേഷ്ടം സഞ്ചരിക്കുകയാണ്. കുറച്ച് നാൾക്ക് മുമ്പ് ഇവിടെ എത്തിയ കുരങ്ങൻ ആദ്യം നാട്ടുകാർക്ക് വലിയ ശല്യക്കാരനായിരുന്നില്ല. നഗരത്തിൽ പലയിടത്തും കുരങ്ങ് കറങ്ങി നടക്കുമെന്നല്ലാതെ ആർക്കും ശല്യം മുണ്ടാക്കിയിരുന്നില്ല. എന്നാൽ അടുത്തിടെയായി കഥമാറി. ചെറിയ പൂച്ചകളെയും, പട്ടിക്കുഞ്ഞുങ്ങളെയുമൊക്കെ പിടികൂടി കൊല്ലുകയാണ് കുരങ്ങു്. നാട്ടുകാരുടെയും, KSEB ജീവനക്കാരുടെയും പരാതിയെത്തുടർന്ന് വനം വകുപ്പ് ജീവനക്കാർ സ്ഥലത്തെത്തി കുരങ്ങിനെ പിടികൂടാൻ കൂട് സ്ഥാപിചെങ്കിലും പിടികൂടാനായിട്ടില്ല. ഇതോടെ,, KSEB ജീവനക്കാരും, പേടിയോടെയാണ് പണിയെടുക്കുന്നത്.
