മന്ത്രി കെ രാധാകൃഷ്ണന് രാജിവച്ചു. ക്ലിഫ് ഹൗസിലെത്തി മുഖ്യമന്ത്രി പിണറായി വിജയനാണ് രാജി സമര്പ്പിച്ചത്. ലോക്സഭയിലേക്ക് തെരഞ്ഞെടുക്കപ്പെട്ട സാഹചര്യത്തിലാണ് രാജി വെക്കുന്നത്. നിയമസഭാംഗത്വം രാജിവച്ചുകൊണ്ടുള്ള കത്ത് സ്പീക്കര് എഎന് ഷംസീറിനും നല്കും. (Minister K Radhakrishnan resigned)
ആലത്തൂര് മണ്ഡലത്തില് നിന്നാണ് രാധാകൃഷ്ണന് ലോക്സഭയിലെത്തിയത്. ലോക്സഭ തെരഞ്ഞെടുപ്പില് കേരളത്തില് സിപിഎം വിജയിച്ച ഏക മണ്ഡലം കൂടിയാണ് ആലത്തൂര്. സിറ്റിങ് എംപിയായിരുന്ന കോണ്ഗ്രസിന്റെ രമ്യ ഹരിദാസിനെയാണ് സിപിഎം സ്ഥാനാര്ത്ഥിയായിരുന്ന രാധാകൃഷ്ണന് തോല്പ്പിച്ചത്.
രാധാകൃഷ്ണന് നിയമസഭാംഗത്വം രാജിവെക്കുന്നതോടെ ചേലക്കരയില് ഉപതെരഞ്ഞെടുപ്പ് നടക്കും. കോണ്ഗ്രസ് രമ്യ ഹരിദാസിനെ ചേലക്കരയില് പരിഗണിച്ചേക്കുമെന്ന് റിപ്പോര്ട്ടുകളുണ്ട്. രാധാകൃഷ്ണന് പകരം മന്ത്രി ആരെന്നത് സിപിഎം നേതൃയോഗത്തില് ഉടൻ തീരുമാനമെടുക്കും.
Read More: വരുന്നത് പെരുമഴക്കാലം; വിവിധ ജില്ലകളില് ഓറഞ്ച് അലര്ട്ട്; ജാഗ്രതാ നിർദേശം
Read More: മത്സര രംഗത്തേക്ക് ഉടനില്ല; വാർത്തകൾ തെറ്റ്: സ്ഥാനാർത്ഥിത്വത്തെപ്പറ്റി രമേഷ് പിഷാരടി
Read More:
