ലണ്ടനിൽ പഞ്ചനക്ഷത്ര ഹോട്ടലിൽ തീപിടിത്തത്തെ തുടർന്ന് 100 അതിഥികളെ ഒഴിപ്പിച്ചു. തീയണയ്ക്കാൻ നിരവധി അഗ്നിശമന സേനാംഗങ്ങൾ അഞ്ച് മണിക്കൂറിലധികം എടുത്തു.
ഡുവ ലിപ, ലേഡി ഗാഗ, ടോം ക്രൂസ്, ജോണി ഡെപ്പ് എന്നിവരുൾപ്പെടെയുള്ള സെലിബ്രിറ്റികളുടെ ഇഷ്ട കേന്ദ്രമായ ചിൽട്ടേൺ ഫയർഹൗസിലാണ് തീപിടിച്ചത്. സംഭവത്തെക്കുറിച്ച് അന്വേഷണം ആരംഭിച്ചു.
ആർക്കും പരിക്കേറ്റിട്ടില്ലെന്നും രാത്രി മുഴുവൻ ജീവനക്കാർ സംഭവസ്ഥലത്ത് തുടരുമെന്നും ലണ്ടൻ ഫയർ ബ്രിഗേഡ് അറിയിച്ചു.
ബാഫ്ത അവാർഡ് ദാന ചടങ്ങിനായി ചിൽട്ടേൺ ഫയർഹൗസ് ഞായറാഴ്ച നെറ്റ്ഫ്ലിക്സ് പാർട്ടി നടത്താനിരുന്നെങ്കിലും “ഇനി ഒരു അറിയിപ്പ് ഉണ്ടാകുന്നതുവരെ വേദി അടച്ചിടുമെന്ന്” ഉടമ പറഞ്ഞു.
തീപിടുത്ത കാരണം ഇതുവരെ അറിവായിട്ടില്ല.
കെട്ടിടത്തിന്റെ മുകൾഭാഗം മുഴുവൻ തീ പടരുമ്പോൾ, ക്രെയിൻ ഉപയോഗിച്ച് അഗ്നിശമന സേനാംഗങ്ങൾ തീ അണയ്ക്കുന്നത് സമൂഹ മാധ്യമങ്ങളിൽ വൈറലായി.
ലണ്ടൻ ഫയർ ബ്രിഗേഡിന്റെ കണക്കനുസരിച്ച്, ഡക്റ്റിംഗിൽ നിന്നാണ് തീ ആരംഭിച്ചത്, തുടർന്ന് നാല് നിലകളുള്ള ഹോട്ടലിന്റെ താഴത്തെ നിലയിൽ നിന്ന് മേൽക്കൂരയിലേക്ക് തീ പടർന്നു.
കെട്ടിടത്തിന്റെ രണ്ടാമത്തെയും മൂന്നാമത്തെയും നിലകളിലേക്ക് തീ പടർന്നതായി ബ്രിഗേഡ് പറഞ്ഞു. വെല്ലുവിളി നിറഞ്ഞ സാഹചര്യങ്ങളിലാണ് തീ അണയ്ക്കാൻ ജീവനക്കാർ പ്രവർത്തിച്ചതെങ്കിലും സമീപത്തെ കെട്ടിടങ്ങളിലേക്ക് തീ പടരുന്നത് തടയാൻ അവർക്ക് കഴിഞ്ഞു. ക്രയിൻ ഉപയോഗിച്ച് മുഴുവൻ ആളുകളേയും പരിക്കില്ലാതെ രക്ഷിക്കാൻ കഴിഞ്ഞു.
യൂസ്റ്റൺ, സോഹോ, പാഡിംഗ്ടൺ, വെസ്റ്റ് ഹാംപ്സ്റ്റെഡ്, കെൻസിംഗ്ടൺ, ചെൽസി എന്നിവിടങ്ങളിൽ നിന്നും ചുറ്റുമുള്ള ഫയർ സ്റ്റേഷനുകളിൽ നിന്നുമുള്ള ജീവനക്കാർ സംഭവസ്ഥലത്ത് എത്തി.
“20-ലധികം സ്റ്റേഷനുകളിൽ നിന്നുള്ള ശ്രദ്ധേയമായ 140 അഗ്നിശമന സേനാംഗങ്ങൾ ദൗത്യത്തിൽ പങ്കെടുത്തു.
