വീണ്ടും ജീവനെടുത്ത് ടിപ്പറിന്റെ മരണപ്പാച്ചിൽ: കോഴിക്കോട് ജോലികഴിഞ്ഞു വീട്ടിലേക്കുപോയ ബൈക്ക് യാത്രക്കാരന് ടിപ്പറിടിച്ച് ദാരുണാന്ത്യം

ടിപ്പറിന്റെ മരണപ്പാച്ചിലിന് അവസാനമില്ല. കോഴിക്കോട് ടിപ്പർ അപകടത്തിൽ ബൈക്ക് യാത്രക്കാരന് ദാരുണാന്ത്യം. കോഴിക്കോട് മുക്കത്ത് ടിപ്പർ ലോറി ബൈക്കിൽ ഇടിച്ച് ഉണ്ടായ അപകടത്തിൽ മലപ്പുറം അരീക്കോട് സ്വദേശി ഷിലുമോൻ മരിച്ചു. മുക്കം പിസി ജംഗ്ഷനിൽ ഇന്ന് പുലർച്ചയോടെയാണ് സംഭവം. കൊടിയത്തൂരിലെ വർക്ക് ഷോപ്പ് ജീവനക്കാരനായിരുന്ന ഷിലുമോൻ ജോലി കഴിഞ്ഞ വീട്ടിലേക്ക് പോകുമ്പോഴാണ് അപകടം. അമിത വേഗതയിൽ എത്തിയ ടിപ്പർ ലോറി ബൈക്കിൽ ഇടിച്ച് മറിഞ്ഞതോടെ ടിപ്പറിന് അടിയിലേക്ക് വീഴുകയായിരുന്നു. മൃതദേഹം കോഴിക്കോട് മെഡിക്കൽ കോളേജിൽ.