ഷിരൂർ: ഷിരൂർ മണ്ണിടിച്ചിലിൽ കാണാതായ ലോറി ഡ്രൈവർ അർജുന് വേണ്ടി പുഴലിറങ്ങി തിരച്ചിൽ പുനരാരംഭിച്ച് ഈശ്വർ മാൽപെ. പുഴയിൽ അടിയൊഴുക്ക് കുറഞ്ഞ സാഹചര്യത്തിലാണ് തിരച്ചിൽ തുടരാൻ തീരുമാനമായത്. മൂന്ന് ദിവസം തിരച്ചിൽ നടത്താനാണ് മാൽപ്പെക്ക് അനുമതി.(Malpe went down to the Gangavali River)
ഇന്ന് രാവിലെ തന്നെ ഈശ്വര് മാല്പ്പെ സ്ഥലത്തെത്തിയിരുന്നു. കാര്വാര് എംഎല്എ സതീഷ് സെയിലാണ് അദ്ദേഹത്തെ വിളിച്ചുവരുത്തിയത്. എന്നാല്, ജില്ലാ ഭരണകൂടത്തിന്റെ അനുമതി ലഭിക്കാന് വൈകിയതിനാൽ പുഴയിൽ ഇറങ്ങാൻ വൈകുകയായിരുന്നു. കാർവാർ എംഎൽഎ സതീഷ് സെയിലും സ്ഥലത്തുണ്ട്. നാളെ എസ്ഡിആര്എഫ്, എന്ഡിആര്എഫ് അംഗങ്ങളും തിരച്ചിലിൽ പങ്കെടുക്കും.
ഗംഗാവലി പുഴയിലെ അടിയൊഴുക്ക് രണ്ട് നോട്ടായി കുറഞ്ഞിട്ടുണ്ട്. കാലാവസ്ഥയും അനുകൂലമാണ്. ഇന്നലെ നടത്തിയ പരിശോധനയില് കൂടുതല് സ്ഥലങ്ങളില് നിന്നും സിഗ്നലുകള് ലഭിച്ചിരുന്നു. ഈ സ്ഥലം കേന്ദ്രീകരിച്ചാവും ഇനി വിശദമായ പരിശോധന. സോണാര് പരിശോധനയിലൂടെ ട്രക്കിന്റെ സ്ഥാനം കൃത്യമായി കണ്ടെത്തിയതിന് ശേഷമാകും ഡൈവര്മാര് പുഴയിലേക്ക് ഇറങ്ങുക. ഇന്നലെ വൈകുന്നേരം ഉത്തര കന്നട ജില്ലാ കളക്ടര്, എസ് പി, നാവികസേന ഉദ്യോഗസ്ഥര് എന്നിവര് യോഗം ചേര്ന്ന് സ്ഥിതിഗതികള് വിലയിരുത്തിയിരുന്നു.
