തെറ്റ് ചെയ്യാത്ത ഒരാൾക്ക് എതിരെയും എഴുതിയിട്ടും ഇല്ല മരണത്തിനു വിട്ട് കൊടുത്തിട്ടുമില്ല..മുകേഷിനൊപ്പം ഫോട്ടോ എടുത്തതിൽ അപമാനമുണ്ട്; ഷഹനാസ്

തെറ്റ് ചെയ്യാത്ത ഒരാൾക്ക് എതിരെയും എഴുതിയിട്ടും ഇല്ല മരണത്തിനു വിട്ട് കൊടുത്തിട്ടുമില്ല..മുകേഷിനൊപ്പം ഫോട്ടോ എടുത്തതിൽ അപമാനമുണ്ട്; ഷഹനാസ്

നടനും എംഎൽഎയുമായ മുകേഷിനൊപ്പം ഉള്ള ഫോട്ടോ സാമൂഹിക മാധ്യമങ്ങളിൽ പ്രചരിപ്പിക്കപ്പെട്ടതിനെ തുടർന്ന് തനിക്ക് അപമാനബോധം ഉണ്ടായതായി കെപിസിസി സംസ്കാര സാഹിതി ജനറൽ സെക്രട്ടറി എം.എ. ഷഹനാസ്.

2023-ൽ നടന്ന നിയമസഭ പുസ്തകോത്സവത്തിൽ മാക്ബെത് പബ്ലിക്കേഷൻസിന്റെ സ്റ്റാൾ സന്ദർശിച്ച മുകേഷ് എംഎൽഎയോടൊപ്പം എടുത്ത ചിത്രമാണ് വിവിധ ഇടങ്ങളിൽ തെറ്റായ വ്യാഖ്യാനങ്ങളോടെ പങ്കുവയ്ക്കപ്പെടുന്നതെന്ന് ഷഹനാസ് ഫേസ്ബുക്ക് കുറിപ്പിലൂടെ വ്യക്തമാക്കി.

ഫോട്ടോ ഷെയർ ചെയ്യുന്നതിൽ തനിക്ക് വിരോധമില്ലെന്നും എന്നാൽ ഇല്ലാക്കഥകൾ പ്രചരിപ്പിക്കരുതെന്നും ഷഹനാസ് പറഞ്ഞു.

മീടു ആരോപണം നേരിടുന്ന ആരുമായും വേദി പോലും പങ്കിടില്ല എന്നത് ജീവിതത്തിൽ എടുത്ത ഉറച്ച തീരുമാനമാണെന്നും അത് എക്കാലവും പാലിക്കുമെന്നും അവർ കുറിച്ചു.

സൈബർ ബുള്ളിയിങ് മൂലം നിരവധി പേർ ആത്മഹത്യ ചെയ്യേണ്ടി വന്നിട്ടുണ്ടെന്നും, തനിക്കെതിരെയും നിരന്തരമായ സൈബർ ആക്രമണങ്ങൾ ഉണ്ടായിട്ടുണ്ടെന്നും ഷഹനാസ് ചൂണ്ടിക്കാട്ടി.

എന്നാൽ ആത്മഹത്യ ഒരിക്കലും ചെയ്യില്ലെന്നും, തനിക്ക് ശക്തമായ നിലപാടും മാനസിക കരുത്തുമുണ്ടെന്നും അവർ വ്യക്തമാക്കി.

ഹേമ കമ്മിറ്റി റിപ്പോർട്ട് പുറത്തുവന്നതിന് ശേഷം സിനിമ മേഖലയിലെ സ്ത്രീകൾ തുറന്നുപറച്ചിലുകൾ നടത്തിയ സാഹചര്യവും, അതേസമയം ചില മന്ത്രിമാർ ഉൾപ്പെടെ നടത്തിയ സ്ത്രീ വിരുദ്ധ പരാമർശങ്ങളും ഓർമ്മിപ്പിച്ച ഷഹനാസ്, അത്തരം വിഷയങ്ങളിൽ താൻ വ്യക്തമായ നിലപാട് സ്വീകരിച്ചിട്ടുണ്ടെന്നും പറഞ്ഞു.

തന്റെ ഫേസ്ബുക്ക് വാളിൽ നിന്ന് എടുത്ത ചിത്രങ്ങൾ ദുരുപയോഗം ചെയ്താൽ അതിന്റെ ഉത്തരവാദിത്വം തനിക്കല്ലെന്നും, സത്യത്തോടും മനസാക്ഷിയോടും ഒപ്പം നിൽക്കുന്നതാണ് തന്റെ ജീവിത നിലപാടെന്നും ഷഹനാസ് വ്യക്തമാക്കി.

English Summary

KPCC Samskara Sahithi General Secretary M.A. Shahanas has expressed her anguish over the circulation of a photo with actor and MLA Mukesh on social media. Clarifying through a Facebook post, she said the photo was taken during the 2023 Legislative Assembly Book Festival and is now being misused with false narratives. While she has no objection to the photo being shared, she strongly opposed the spreading of fabricated stories. Shahanas reiterated that she would never share a platform with anyone facing MeToo allegations and spoke openly about cyber bullying, women’s voices after the Hema Committee report, and her firm stand on dignity, conscience, and truth.

ma-shahanas-reacts-mukesh-photo-social-media-controversy

MA Shahanas, Mukesh MLA, KPCC, cyber bullying, MeToo allegations, Hema Committee report, Malayalam news, social media controversy