ലീഡ് 17000യിരം കടന്നു. ജയ്ക്കിന്റെ പഞ്ചായത്തിലും ചാണ്ടി ഉമ്മന് ലീഡ്.

കോട്ടയം: 2021ൽ ഉമ്മൻചാണ്ടി നേടിയതിനേക്കാൾ ഭൂരിപക്ഷം നാലാം റൗണ്ടിൽ തന്നെ മറികടന്ന് മകനും യുഡിഎഫ് സ്ഥാനാർത്ഥിയുമായ ചാണ്ടി ഉമ്മൻ.വൻ‌ യുഡിഎഫ് തരം​ഗം ആഞ്ഞടിക്കുന്ന പുതുപ്പള്ളിയിൽ ഇത് വരെ എണ്ണിയ എല്ലാ ബൂത്തിലും ചാണ്ടി ഉമ്മന് വ്യക്തമായ ഭൂരിപക്ഷം. മൂന്നാം റൗണ്ടിൽ വോട്ട് എണ്ണിയ അകലക്കുന്ന പഞ്ചായത്തിലെ ഓരോ ബൂത്തിലും ചാണ്ടി ഉമ്മന് ശരാശരി 300 വോട്ടിന്റെ ഭൂരിപക്ഷം. ഒരിടത്തും പോലും വോട്ട് നില ഉയർത്താൽ ജയെക്ക് സി തോമസിന് കഴിഞ്ഞില്ല. നാലാം റൗണ്ടിൽ ചാണ്ടി ഉമ്മ ന്റെ ഭൂരിപക്ഷം 16007 കടന്നു. ഇടത് പക്ഷ സ്ഥാനാർ‌ത്ഥി ജയ്ക്ക് സി തോമസിന്റെ പഞ്ചായത്തായ മണർക്കാട് ആദ്യ കണക്കുകൾ പുറത്ത് വരുമ്പോഴും ലീഡ് ചാണ്ടി ഉമ്മന്. ഭൂരിപക്ഷം പതിനേഴായിരം കടന്നതോടെ യുഡിഎഫ് പ്രവർത്തകർ മധുരവിതരണം ആരംഭിച്ചു.