കുംഭമേളക്ക് മാല വിൽക്കാനെത്തിയ വെള്ളാരംകണ്ണുള്ള സുന്ദരി; മോണോലിസയുടെ ഇപ്പോഴത്തെ വരുമാനം
ഡൽഹി: 2025-ലെ കുംഭമേളയിൽ 100 രൂപയ്ക്ക് രുദ്രാക്ഷമാല വിറ്റ് ഉപജീവനം നടത്തിയിരുന്ന മോനി ബോൺസ്ലെ എന്ന പെൺകുട്ടി ഇന്ന് ‘മൊണാലിസ’ എന്ന പേരിൽ സിനിമാ ലോകത്ത് ശ്രദ്ധേയയായിരിക്കുകയാണ്.
സോഷ്യൽ മീഡിയയിലൂടെ വൈറലായതോടെയാണ് മൊണാലിസയുടെ ജീവിതം പൂർണമായും മാറിമറിഞ്ഞത്.
തെലുങ്ക് ചലച്ചിത്ര ലോകത്തേക്കുള്ള അരങ്ങേറ്റമാണ് ഇപ്പോൾ മൊണാലിസയെ വീണ്ടും വാർത്തകളിലെത്തിച്ചിരിക്കുന്നത്.
‘ലൈഫ്’ എന്ന പേരിലുള്ള തെലുങ്ക് ചിത്രത്തിലൂടെയാണ് താരം സിനിമയിലെ നായികയായി അരങ്ങേറ്റം കുറിക്കുന്നത്.
സായി ചരൺ നായകനാകുന്ന ചിത്രം സംവിധാനം ചെയ്യുന്നത് ശ്രീനുവാണ്. ചിത്രത്തിന്റെ പൂജ ചടങ്ങുകൾ കഴിഞ്ഞ നവംബറിൽ നടന്നിരുന്നു. 2026-ൽ ചിത്രീകരണം ആരംഭിക്കുമെന്നാണ് റിപ്പോർട്ടുകൾ.
ഹിന്ദി ആൽബങ്ങളിലൂടെയായിരുന്നു മൊണാലിസയുടെ ആദ്യ അഭിനയ അനുഭവം. തുടർന്ന് വിവിധ ഭാഷകളിലായി ചില സിനിമകളിലും താരം കരാർ ഒപ്പുവച്ചിട്ടുണ്ട്.
മലയാളത്തിൽ പി.കെ. ബിനു വർഗ്ഗീസ് സംവിധാനം ചെയ്യുന്ന ‘നാഗമ്മ’ എന്ന ചിത്രത്തിൽ കൈലാഷിന്റെ നായികയായും മൊണാലിസ അഭിനയിക്കുന്നുണ്ട്.
ജനുവരി 5-ന് പുറത്തിറങ്ങുന്ന പുതിയ ആൽബത്തിനായും താരം ഒരുങ്ങുകയാണ്.
തെലുങ്ക് സിനിമയിലെ അരങ്ങേറ്റം തന്റെ ജീവിതത്തിലെ വലിയ വഴിത്തിരിവാണെന്ന് മൊണാലിസ പറഞ്ഞു. “ഇത് എന്റെ ജീവിതത്തിലെ പുതിയൊരു അധ്യായമാണ്.
തെലുങ്ക് ഭാഷ പഠിച്ച് പ്രേക്ഷകരുമായി കൂടുതൽ അടുത്ത് ഇടപെടാനാണ് ശ്രമം,” ലോഞ്ചിനിടെ താരം വ്യക്തമാക്കി.
ഇന്ന് ഒരു ആൽബത്തിന് ഒന്നോ രണ്ടോ ലക്ഷം രൂപ വരെ പ്രതിഫലം വാങ്ങുന്ന നിലയിലേക്ക് മൊണാലിസ എത്തിക്കഴിഞ്ഞു.
മധ്യപ്രദേശിലെ ഇൻഡോർ സ്വദേശിനിയായ ഈ യുവതിയെ കുംഭമേളക്കാലത്ത് മാധ്യമങ്ങൾ ‘ബ്രൗൺ ബ്യൂട്ടി’ എന്ന പേരിലാണ് വിശേഷിപ്പിച്ചത്.
സ്വന്തമായി ഒരു വീട് എന്ന സ്വപ്നമാണ് ഇപ്പോഴും മൊണാലിസയുടെ ഏറ്റവും വലിയ ആഗ്രഹം.
മൊണാലിസയുടെ വൈറൽ കഥ
പ്രയാഗ് രാജിലെ മഹാകുംഭമേളക്കാലത്ത് രുദ്രാക്ഷമാല വിൽക്കാനെത്തിയ 16-കാരിയായ മോനി ബോൺസ്ലെയുടെ ദൃശ്യങ്ങളാണ് ആദ്യം സമൂഹമാധ്യമങ്ങളിൽ വൈറലായത്.
ചാരക്കണ്ണുകളും സ്വാഭാവിക ചിരിയും ശ്രദ്ധിക്കപ്പെട്ടതോടെ ‘മൊണാലിസ’ എന്ന പേരിലാണ് സോഷ്യൽ മീഡിയ ഈ പെൺകുട്ടിയെ സ്വീകരിച്ചത്.
വൈറലായതോടെ മൊണാലിസയ്ക്കൊപ്പം ഫോട്ടോ എടുക്കാനും വീഡിയോ പകർത്താനും ആളുകൾ കൂട്ടമായി എത്തി. ഇതോടെ കുടുംബത്തിന്റെ ഏക ഉപജീവന മാർഗമായ മാലവിൽപ്പന പോലും തടസപ്പെട്ടു.
ആരാധകശല്യത്തിൽ നിന്ന് രക്ഷപ്പെടാൻ മുഖവും തലയും ഷാൾ കൊണ്ട് മറച്ച് ഓടുന്ന മൊണാലിസയുടെ ദൃശ്യങ്ങളും പുറത്തുവന്നിരുന്നു.
തിരക്ക് അതിരു കവിഞ്ഞതോടെ, സുരക്ഷ കണക്കിലെടുത്ത് പെൺകുട്ടിയെ അച്ഛൻ നാട്ടിലേക്ക് തിരിച്ചയച്ചതായും റിപ്പോർട്ടുകളുണ്ടായിരുന്നു. അവിടെയാണ് മൊണാലിസയുടെ ജീവിതം പുതിയ വഴിത്തിരിവിലേക്ക് നീങ്ങിയത്.
English Summary
Moni Bonsle, popularly known as Monalisa, who once sold rudraksha garlands for ₹100 at the 2025 Kumbh Mela, is now set to make her debut in the Telugu film industry. After going viral on social media for her striking looks, her life changed dramatically.
She will debut as a lead actress in the Telugu film Life, starring Sai Charan and directed by Sreenu. The film’s shooting is expected to begin in 2026. Monalisa has also acted in Hindi albums and has signed a Malayalam film titled Nagamma. Her journey from a street vendor to a film actress has inspired many and continues to trend on social media.
kumbh-mela-monalisa-telugu-film-debut
Monalisa, Kumbh Mela, Telugu Cinema, Viral Girl, Indian Cinema, Life Movie, Social Media Viral, Entertainment News
