തിരുവനന്തപുരം: സംസ്ഥാനത്ത് ഏപ്രില് മാസത്തിലും സര്ചാര്ജ് നിരക്കില് പിരിക്കുമെന്ന് കെഎസ്ഇബി. യൂണിറ്റിന് ഏഴുപൈസ നിരക്കില് സര്ചാര്ജ് പിരിക്കാനാണ് കെഎസ്ഇബിയുടെ തീരുമാനം. ഫെബ്രുവരിയിലെ അധിക ബാധ്യത നികത്താനാണെന്നാണ് അധികൃതർ നൽകുന്ന വിശദീകരണം.
ഫെബ്രുവരിയില് 14.38 കോടി രൂപയുടെ അധികബാധ്യതയുണ്ടെന്നാണ് കെഎസ്ഇബി പറയുന്നത്. ഇത് നികത്താൻ വേണ്ടിയാണു സര്ചാര്ജ് വീണ്ടും വര്ധിപ്പിക്കുന്നത്. ഈ മാസം എട്ടു പൈസയായിരുന്നു വര്ധിപ്പിച്ചിരുന്നത്. സംസ്ഥാനത്ത് കഴിഞ്ഞ മാസങ്ങളിലും സര്ചാര്ജ് വര്ധിപ്പിച്ചിരുന്നു.
ജനന സര്ട്ടിഫിക്കറ്റിലെ പേര് ഇനി എളുപ്പത്തില് മാറ്റാം; പുതിയ തീരുമാനം ഇങ്ങനെ
തിരുവനന്തപുരം: സംസ്ഥാനത്ത് ജനന സര്ട്ടിഫിക്കറ്റിലെ പേരുമാറ്റത്തിനുള്ള നിബന്ധനകളില് ഇളവുകള് നല്കാന് സര്ക്കാര് തീരുമാനം. കേരളത്തില് ജനനം രജിസ്റ്റര് ചെയ്ത ആര്ക്കും, ഗസറ്റ് വിജ്ഞാപനം വഴി മാറ്റം വരുത്തിയ പേര്, ഇനി ജനന രജിസ്ട്രേഷനില് ഒറ്റത്തവണ മാറ്റം വരുത്താനാവും എന്ന് മന്ത്രി എം ബി രാജേഷ് അറിയിച്ചു. വര്ഷങ്ങളായി നിലനിന്ന സങ്കീര്ണതക്കാണ് സര്ക്കാര് പരിഹാരം കണ്ടിരിക്കുന്നതെന്നും മന്ത്രി വ്യക്തമാക്കി.
കേരളത്തിലെ പൊതുമേഖലയില് വിദ്യാഭ്യാസം ലഭിച്ച കുട്ടികള്ക്ക് ഗസറ്റ് വിജ്ഞാപനത്തിന്റെ അടിസ്ഥാനത്തില് എസ്എസ്എല്സി സര്ട്ടിഫിക്കറ്റിലും സ്കൂള് രേഖകളിലും പേരില് മാറ്റം വരുത്താനും, തുടര്ന്ന് ഈ സ്കൂള് രേഖകളുടെ അടിസ്ഥാനത്തില് മാത്രം ജനന സര്ട്ടിഫിക്കറ്റ് തിരുത്താനുമാണ് അവസരമുണ്ടായിരുന്നത്.
