ന്യൂനപക്ഷ ക്ഷേമ വകുപ്പ് സ്കോളർഷിപ്പ്: വിദേശ സർവകലാശാലകളിലേക്ക് ന്യൂനപക്ഷ വിദ്യാർത്ഥികൾക്ക് അവസരം
തിരുവനന്തപുരം: സംസ്ഥാനത്തെ മുസ്ലിം, ക്രിസ്ത്യൻ, സിഖ്, ബുദ്ധ, പാഴ്സി, ജൈന വിഭാഗങ്ങളിലെ വിദ്യാർത്ഥികൾക്ക് വിദേശ സർവകലാശാലകളിൽ ബിരുദ, ബിരുദാനന്തര, പി.എച്ച്.ഡി. കോഴ്സുകൾക്ക് സ്കോളർഷിപ്പിന് അപേക്ഷിക്കാം.
സ്കോളര്ഷിപ്പിന് ന്യൂനപക്ഷ ക്ഷേമ വകുപ്പ് വഴി അപേക്ഷിക്കാം. അപേക്ഷ സമർപ്പിക്കേണ്ട ഒക്ടോബർ 31 വൈകുന്നേരം 5 മണി വരെ അപേക്ഷിക്കാം.
ജലപീരങ്കിയും അറസ്റ്റും; ആശാ വർക്കർമാരുടെ ക്ലിഫ് ഹൗസ് മാർച്ച് സംഘർഷത്തിലേക്ക്
വിദ്യാഭ്യാസ വായ്പയുടെ അടിസ്ഥാനത്തിലാണ് സ്കോളർഷിപ്പ്
വിദ്യാർത്ഥികൾ ഷെഡ്യൂൾഡ് കൊമേഴ്സ്യൽ ബാങ്ക് അല്ലെങ്കിൽ ന്യൂനപക്ഷ ധനകാര്യ വികസന കോർപ്പറേഷൻ വഴി വിദ്യാഭ്യാസ വായ്പ എടുത്തിട്ടുണ്ടാകണം.
അത്തരം വായ്പയുള്ളവർക്ക് മാത്രമേ സ്കോളർഷിപ്പ് ലഭ്യമാവുകയുള്ളൂ.
ഡിപ്ലോമ അല്ലെങ്കിൽ പോസ്റ്റ്-ഗ്രാജുവേറ്റ് ഡിപ്ലോമ കോഴ്സുകൾ പഠിക്കുന്നവർക്ക് അർഹതയില്ല.
കൂടാതെ, മറ്റേതെങ്കിലും സർക്കാർ ധനസഹായം അല്ലെങ്കിൽ സ്കോളർഷിപ്പ് ഇതിനകം ലഭിച്ചവർ അപേക്ഷിക്കരുത്.
അപേക്ഷിക്കാനുള്ള യോഗ്യതയും മുൻഗണനയും
അപേക്ഷകനും മാതാപിതാക്കളും കേരളത്തിലെ സ്ഥിര താമസക്കാരായിരിക്കണം. പ്രവാസികൾക്ക് അർഹതയില്ല, എന്നാൽ ബി.പി.എൽ വിഭാഗത്തിൽപ്പെട്ടവർക്ക് മുൻഗണന ലഭിക്കും.
പരമാവധി സ്കോളർഷിപ്പ് തുക ₹5,00,000/- ആയിരിക്കും, കോഴ്സ് കാലാവധിയിലുടനീളം ഇത് ലഭിക്കും. അപേക്ഷകർക്ക് സ്വന്തം പേരിൽ ഷെഡ്യൂൾഡ് കൊമേഴ്സ്യൽ ബാങ്ക് അക്കൗണ്ട് ഉണ്ടായിരിക്കണം.
അപേക്ഷ സമർപ്പിക്കേണ്ട വിധവും വിശദാംശങ്ങളും
പൂരിപ്പിച്ച അപേക്ഷ ഡയറക്ടർ, ന്യൂനപക്ഷ ക്ഷേമ വകുപ്പ്, നാലാം നില, വികാസ് ഭവൻ, തിരുവനന്തപുരം – 33 എന്ന വിലാസത്തിൽ നേരിട്ടോ തപാൽ മുഖേനയോ സമർപ്പിക്കണം.
വിജ്ഞാപനവും അപേക്ഷാ മാതൃകയും www.minoritywelfare.kerala.gov.in എന്ന വെബ്സൈറ്റിൽ ലഭ്യമാണ്.
കൂടുതൽ വിവരങ്ങൾക്ക് ബന്ധപ്പെടാവുന്ന ഫോൺ നമ്പറുകൾ: 0471-2300523, 0471-2300524, 0471-2302090.
English Summary:
The Kerala Minority Welfare Department has invited applications for overseas education scholarships for students from Muslim, Christian, Sikh, Buddhist, Parsi, and Jain communities. Eligible students pursuing undergraduate, postgraduate, or PhD courses abroad can apply until October 31. The scholarship is based on education loans taken from scheduled commercial banks or the Minority Finance Development Corporation. Applicants must be permanent residents of Kerala and not recipients of any other government aid. The maximum scholarship amount is ₹5 lakh per student. Applications can be submitted in person or by post to the department’s office in Thiruvananthapuram.
