മിനറൽ ഐസ്; കുപ്പിവെള്ളത്തിന് പിന്നാലെ സർക്കാർ വക ഐസ് ക്യൂബും
കോഴിക്കോട്: കുപ്പിവെള്ള ബ്രാൻഡായ ഹില്ലി അക്വായുടെ വിജയത്തെ തുടർന്നു, ജലവിഭവവകുപ്പിന്റെ കീഴിലുള്ള കേരള ഇറിഗേഷൻ ഇൻഫ്രാസ്ട്രക്ചർ ഡെവലപ്മെന്റ് കോർപ്പറേഷൻ (KIIDC) ഇപ്പോൾ ഐസ് ക്യൂബ് വിപണിയിലും പ്രവേശിക്കുന്നു.
തിരുവനന്തപുരം അരുവിക്കര പ്ലാന്റിൽ നിർമ്മിക്കുന്ന ബുള്ളറ്റ്-ടൈപ്പ് ഐസ് ക്യൂബുകൾ ‘മിനറൽ ഐസ്’ എന്ന പേരിൽ ഉടൻ വിപണിയിലെത്തും.
ദിവസേന 750 കിലോ ഐസ് ക്യൂബ് ആണ് ഉത്പാദനം. 1, 2, 5 കിലോ പാക്കുകൾ ആയി വിപണിക്ക് നൽകും.
വില പിന്നീട് പ്രഖ്യാപിക്കും. പദ്ധതി വിജയകരമായാൽ കേരളത്തിലെ മറ്റ് KIIDC പ്ലാന്റുകളിലും ഐസ് ഉത്പാദന യൂണിറ്റുകൾ തുടങ്ങാൻ പദ്ധതിയുണ്ട്.
കുപ്പിവെള്ള നിർമ്മാണത്തിൽ ഉപയോഗിക്കുന്നതുപോലെ BIS, FSSAI മാനദണ്ഡങ്ങൾ പാലിച്ച വെളളമാണ് ഐസ് ക്യൂബുകൾക്കായി ഉപയോഗിക്കുന്നത്.
കുപ്പിവെള്ളം നിർമ്മിക്കുന്ന അതേ ജലം ഉപയോഗിച്ച് ഐസ് ക്യൂബ് ഉത്പാദിപ്പിക്കുന്ന സംസ്ഥാനത്തെ ആദ്യ പ്ലാന്റ് ആകും അരുവിക്കര യൂണിറ്റ്.
കുപ്പിവെള്ള ഉത്പാദനം വ്യാപകമാക്കുന്നു
തൊടുപുഴ, അരുവിക്കര പ്ലാന്റുകൾക്ക് പുറമേ കട്ടപ്പന, പേരാമ്പ്ര, ആലുവ എന്നിവിടങ്ങളിലും പുതിയ പ്ലാന്റുകൾ സ്ഥാപിച്ച് കുപ്പിവെള്ള ഉത്പാദനം ഇരട്ടിയാക്കുകയാണ് ലക്ഷ്യം.
ആലുവയിൽ 20 ലിറ്റർ ജാർ ഉത്പാദനത്തിനുള്ള പ്രത്യേക പ്ലാന്റ് സജ്ജമാക്കുന്നു.
തൊടുപുഴയും അരുവിക്കരയും ചേർന്ന് പ്രതിദിനം 90,800 ലിറ്റർ കുപ്പിവെള്ളമാണ് ഉത്പാദിപ്പിക്കുന്നത്. വിദേശ രാജ്യങ്ങളിലേക്ക് കയറ്റി അയക്കുന്ന നടപടികളും പുരോഗമിച്ചിരിക്കുകയാണ്.
ഇതുവരെ 51,228 ലിറ്റർ (1.5L, 0.5L) കുപ്പിവെള്ളം കയറ്റുമതി ചെയ്തു. തമിഴ്നാട് അടക്കമുള്ള സംസ്ഥാനങ്ങളിലേക്കും വിതരണം നടക്കുന്നു.
വിൽപ്പനയിൽ 30% നേട്ടം
2024–25: 11.4 കോടി
2023–24: 8.75 കോടി
കുപ്പിവെള്ളത്തിന്റെ വിറ്റുവരവിൽ 30% വർദ്ധന രേഖപ്പെടുത്തി.
English Summary
Kerala’s KIIDC is expanding its Hilly Aqua brand by launching ‘Mineral Ice’ bullet-type ice cubes from its Aruvikkara plant, with a daily production capacity of 750 kg. The same BIS and FSSAI-certified water used for bottled water will be used for making the ice cubes — making it the first plant in the state to do so. Bottled water production will also be doubled with new plants planned in Kattappana, Perambra, and Aluva. Current daily bottled water production stands at 90,800 liters, with exports and interstate distribution underway. Sales rose 30% from ₹8.75 crore to ₹11.4 crore this financial year.
kerala-hilly-aqua-mineral-ice-launch
Kerala, Hilly Aqua, KIIDC, Bottled Water, Mineral Ice, Aruvikkara Plant, Industry, Public Sector
