തിരുവനന്തപുരം: കെ.പി.സി.സി പ്രസിഡന്റ് കെ. സുധാകരന് എം.പിയുടെ എക്സ് അക്കൗണ്ട് (മുമ്പ് ട്വിറ്റര്) ഹാക്ക് ചെയ്തു. @SudhakaranINC എന്ന വെരിഫൈഡ് അക്കൗണ്ടാണ് ഹാക്ക് ചെയ്യപ്പെട്ടത്.K Sudhakaran’s X account hacked
ഹാക്ക് ചെയ്യപ്പെട്ട പേജിന്റെ പാസ്വേഡ് ഉൾപ്പെടെ അജ്ഞാതർ മാറ്റിയതിനാൽ ഈ പേജിന്റെ നിയന്ത്രണം ഏറ്റെടുക്കാൻ ഇതുവരെ കഴിഞ്ഞിട്ടില്ല.
കെ. സുധാകരന് എന്ന പേരും പ്രൊഫൈല് ചിത്രവും അജ്ഞാതര് മാറ്റിയെങ്കിലും @SudhakaranINC എന്ന അഡ്രസ്സ് മാറ്റാന് ഹാക്കർമാർക്ക് സാധിച്ചിട്ടില്ല.
ഹാക്ക് ചെയ്യപ്പെട്ട പേജിൽ കെ. സുധാകരന് എന്ന പേരിന്റെ സ്ഥാനത്ത് ഒന്ന് എന്നാക്കി. യൂസര്നെയിമിന് താഴെയായി അറബിക് ഭാഷയോട് സാമ്യമുള്ള ഒരു വാക്കും ഹാക്ക് ചെയ്യപ്പെട്ട പേജില് ഉള്പ്പെടുത്തിയിട്ടുണ്ട്.
എക്സ് എന്ന സമൂഹമാധ്യമത്തിലെ തന്റെ പേജ് ഹാക്ക് ചെയ്തവര്ക്കെതിരെ നിയമനടപടി സ്വീകരിക്കണമെന്ന് ആവശ്യപ്പെട്ട് സുധാകരന് എം.പി സംസ്ഥാന പൊലീസ് മേധാവിക്ക് പരാതി നല്കി.
പഴയ പേജ് തിരികെ കിട്ടുന്നതിന് വേണ്ട നടപടികള് സ്വീകരിക്കണമെന്ന് ചൂണ്ടിക്കാട്ടി എക്സ് അധികൃതര്ക്കും അദ്ദേഹം കത്ത് നല്കി.
