അമേരിക്കയില്‍ നിന്നും ഇറക്കുമതി ചെയ്യുന്ന വിസ്‌കി ബ്രാന്‍ഡുകള്‍ക്ക് ഇന്ത്യയില്‍ വിലകുറയുമെന്ന് റിപ്പോർട്ട്. ലോകത്തെ തന്നെ ഏറ്റവും ജനപ്രിയ ബ്രാന്‍ഡുകളിലൊന്നായ ജാക് ഡാനിയേല്‍സ്, ജിം ബീം തുടങ്ങിയവയുടെ വിലയില്‍ വലിയ മാറ്റമാണ് വരാന്‍ പോകുന്നതെന്നാണ് പുറത്ത്‌ വരുന്ന വിവരം.
ബാര്‍ബണ്‍ വിസ്‌കിയുടെ ഇറക്കുമതി തീരുവയില്‍ 50 ശതമാനം വെട്ടിക്കുറയ്ക്കല്‍ ഇന്ത്യ നടത്തിയതോടെയാണ് വില കുത്തനെ കുറയാന്‍ വഴിയൊരുങ്ങിയത്.
150 ശതമാനമായിരുന്നു ഇതുവരെ ഈ വിസ്‌കികളുടെ ഇറക്കുമതി തീരുവ. ഇതില്‍ 50 ശതമാനമാണ് ഇന്ത്യ കുറച്ചത്.
ബാര്‍ബണ്‍ വിസ്‌കികള്‍ക്ക് ഇന്ത്യ ഉള്‍പ്പെടെയുള്ള ഏഷ്യന്‍ രാജ്യങ്ങളില്‍ അമിത നികുതിയാണ് ഈടാക്കുന്നതെന്ന് യു.എസ് പ്രസിഡന്റ് ഡൊണാള്‍ഡ് ട്രംപ് പറഞ്ഞിരുന്നു. ഇതിനു പിന്നാലെയാണ് നികുതി കുറയ്ക്കാന്‍ ഇന്ത്യ തയാറായത്.
ചോളം, ഗോതമ്പ്, മാള്‍ട്ട് എന്നിവയില്‍ നിന്ന് നിര്‍മിക്കുന്ന മദ്യമാണ് ബാര്‍ബണ്‍ വിസ്‌കി. യു.എസിലെ ഏറ്റവും പ്രശസ്തമായ മദ്യം. കൃത്രിമ നിറമോ മണമോ രുചീയോ ഇതില്‍ ചേര്‍ക്കുന്നില്ല എന്നതാണ് പ്രത്യേകത.
51 ശതമാനവും ധാന്യങ്ങളാണ് ഇതിന്റെ നിര്‍മാണത്തിനായി ഉപയോഗിക്കുന്നത്. ജാക് ഡാനിയേല്‍സ്, ജിംബീം, വുഡ്‌ഫോര്‍ഡ്‌സ് റിസര്‍വ് തുടങ്ങിയവാണ് ഇന്ത്യയില്‍ ലഭ്യമായ പ്രശസ്തമായ ബാര്‍ബണ്‍ വിസ്‌കി ബ്രാന്‍ഡുകള്‍. കെന്റക്കി, ടെന്നസി സംസ്ഥാനങ്ങളിലാണ് ഇവ കൂടുതലായി നിര്‍മിക്കുന്നത്.
