ബാര്ബഡോസ്:നൂറ്റി നാല്പത്തൊന്ന് കോടി ഇന്ത്യക്കാരുടെ പ്രാർത്ഥന സഫലം. പതിനേഴ് വർഷത്തിന് ശേഷം വീണ്ടും ട്വന്റി-20 ലോകകിരീടത്തിൽ മുത്തമിട്ട് ടീം ഇന്ത്യ.
ഫൈനൽ പോരാട്ടത്തിൽ ദക്ഷിണാഫ്രിക്കയെ തോൽപിച്ച് ഇന്ത്യയ്ക്ക് ട്വന്റി20 ലോകകപ്പ് കിരീടം. ഇന്ത്യ ഉയർത്തിയ 177 റണ്സ് വിജയലക്ഷ്യം പിന്തുടർന്ന ദക്ഷിണാഫ്രിക്കയ്ക്ക് ഏഴു വിക്കറ്റ് നഷ്ടത്തിൽ 169 റൺസെടുക്കാനേ സാധിച്ചുള്ളൂ.
ഇന്ത്യയ്ക്ക് ഏഴു വിക്കറ്റു വിജയം. ഹാർദിക് പാണ്ഡ്യയെറിഞ്ഞ അവസാന ഓവറിലെ ആദ്യ പന്തിൽ ഡേവിഡ് മില്ലര് പുറത്തായതാണു കളിയിൽ നിർണായകമായത്.
ഇന്ത്യ ഉയര്ത്തിയ 177 റണ്സ് വിജയലക്ഷ്യത്തിലേക്ക് ബാറ്റേന്തിയ ദക്ഷിണാഫ്രിക്ക ആറു വിക്കറ്റ് നഷ്ടത്തിൽ 156 റണ്സെന്ന നിലയില്.
ടീം സ്കോര് ഏഴില് നില്ക്കേ ഓപ്പണര് റീസ ഹെന്ഡ്രിക്സിനെ നഷ്ടമായി. അഞ്ച് പന്തില് നിന്ന് നാല് റണ്സ് മാത്രമെടുത്ത താരത്തെ ജസ്പ്രീത് ബുംറ ബൗള്ഡാക്കി.
പിന്നാലെ നായകന് എയ്ഡന് മാര്ക്രവും മടങ്ങി. അര്ഷ്ദീപിന്റെ പന്തില് മാര്ക്രത്തെ വിക്കറ്റ് കീപ്പര് പന്ത് കൈയ്യിലൊതുക്കി. അഞ്ച് പന്തില് നിന്ന് നാല് റണ്സാണ് താരത്തിന്റെ സമ്പാദ്യം.
നേരത്തേ നിശ്ചിത 20 ഓവറില് ഏഴ് വിക്കറ്റ് നഷ്ടത്തില് ഇന്ത്യ 176 റണ്സെടുത്തു. കോലിയുടേയും അക്ഷര് പട്ടേലിന്റേയും ഇന്നിങ്സുകളാണ് ഇന്ത്യയ്ക്ക് തുണയായത്.
മൂന്നാം വിക്കറ്റില് 72 റണ്സിന്റെ കൂട്ടുകെട്ടാണ് ഇരുവരും ചേര്ന്ന് പടുത്തുയര്ത്തിയത്. ടൂര്ണമെന്റിലിന്നുവരെ നിരാശപ്പെടുത്തിയ കോലി കലാശപ്പോരില് ക്ലാസ് ഇന്നിങ്സുമായി നിറഞ്ഞുനിന്നു.
ബാര്ബഡോസില് ടോസ് നേടിയ ഇന്ത്യ ബാറ്റിങ്ങാണ് തിരഞ്ഞെടുത്തത്. പതിവുപോലെ വിരാട് കോലിയും നായകന് രോഹിത് ശര്മയും മൈതാനത്തിറങ്ങി.
മാര്കോ യാന്സന് എറിഞ്ഞ ആദ്യ ഓവറില് തന്നെ ഇന്ത്യ ആക്രമിച്ച് കളിച്ചു. ആദ്യ ഓവറില് 15 റണ്സാണ് ഇന്ത്യ നേടിയത്. ഓവറില് കോലി മൂന്ന് ഫോറുകള് നേടി. ഇന്ത്യയുടെ നയം വ്യക്തമായിരുന്നു.
എന്നാല് പേസര്മാരെ പ്രഹരിക്കുകയെന്ന തന്ത്രത്തിന് ദക്ഷിണാഫ്രിക്കന് നായകന് എ്ഡന് മാര്ക്രം മറുതന്ത്രമൊരുക്കി. രണ്ടാം ഓവറില് തന്നെ സ്പിന്നര് കേശവ് മഹാരാജിനെ പന്തേല്പ്പിച്ചു. അത് മഹാരാജ് ഭംഗിയായി നടപ്പിലാക്കുകയും ചെയ്തു. ആ ഓവറില് രണ്ടു വിക്കറ്റുകളാണ് വീഴ്ത്തിയത്.
നാലാം പന്തില് രോഹിത് പുറത്തായി. അഞ്ച് പന്തില് നിന്ന് ഒമ്പത് റണ്സെടുത്ത രോഹിത് ക്ലാസന്റെ കൈകളിലൊതുങ്ങി. പിന്നാലെ പന്തും മടങ്ങിയതോടെ ഇന്ത്യ പകച്ചു. ഓവറിലെ അവസാന പന്തില് ഷോട്ടിന് ശ്രമിച്ച പന്തിന് പിഴച്ചു. മുകളിലോട്ട് ഉയര്ന്ന പന്ത് വിക്കറ്റ് കീപ്പര് ഡി കോക്ക് കൈയ്യിലാക്കി.
ഇന്ത്യ 23-2 എന്ന നിലയിലായി. സൂര്യകുമാര് യാദവും കോലിയും പതിയെ സ്കോറുയര്ത്താനാരംഭിച്ചു. എന്നാല് സൂര്യകുമാറിനും അധികനേരം പിടിച്ചുനില്ക്കാനാവാതെ വന്നു.
റബാദ എറിഞ്ഞ അഞ്ചാം ഓവറില് കൂറ്റനടിക്ക് ശ്രമിച്ച സൂര്യകുമാറിന് പിഴച്ചു. ഹെന്റിച്ച് ക്ലാസന് കിടിലന് ക്യാച്ചിലൂടെ സൂര്യകുമാറിനെ മടക്കിയതോടെ ഇന്ത്യ 34-3 എന്ന നിലയിലായി. എന്നാല് വിക്കറ്റുകള് വീഴുമ്പോഴും ശ്രദ്ധയോടെ ബാറ്റേന്തി കോലി ഇന്ത്യയെ കരകയറ്റാന് തുടങ്ങി.
