കാഞ്ഞിരപ്പള്ളി സെന്റ് ഡോമിനിക്‌സ് കോളേജിൽ ക്വട്ടേഷൻ സംഘം ആളുമാറി വിദ്യാർഥികളെ മർദിച്ചു. കഴിഞ്ഞ ദിവസങ്ങളിൽ ഉണ്ടായ കെ.എസ്.യു.- എസ്.എഫ്.ഐ. വിദ്യാർഥി സംഘർഷത്തെ തുടർന്നാണ് അക്രമമുണ്ടായത്. In St. Dominic’s College, the Quotation group attacked the students
എസ്.എഫ്.ഐ. നേതാവിനെ വിദ്യാർഥികളുടെ താമസ സ്ഥലത്ത് തപ്പിയെത്തിയ ക്വട്ടേഷൻ സംഘം തങ്ങളെ മർദിക്കുകയായിരുന്നു എന്നാണ് വിദ്യാർഥികൾ പറയുന്നത്. കെ.എസ്.യു. പ്രവർത്തകനും പിതാവും ചേർന്ന് നൽകിയ ക്വട്ടേഷനാണ് സംഭവത്തിന് പിന്നിലെന്ന് എസ്.എഫ്.ഐ.യും ആരോപിക്കുന്നു.
ഇവർക്കെതിരെ നടപടി ആവശ്യപ്പെട്ട് എസ്.എഫ്.ഐ.പ്രവർത്തകർ കോളേജിന് പുറത്തു പ്രതിഷേധിക്കുകയും കോളേജ് ഗേറ്റ് പൂട്ടുകയും ചെയ്തു. തുടർന്ന് പോലീസ് എത്തിയാണ് സ്ഥിതി നിയന്ത്രണ വിധേയമാക്കിയത്.
സംഭവത്തിൽ കണ്ടാൽ അറിയാവുന്ന ആറു പേർക്കെതിരെ കാഞ്ഞിരപ്പള്ളി പോലീസ് കേസെടുത്തു. സംഭവത്തിൽ ഏതാനും വിദ്യാർഥികളെ കോളേജ് അധികൃതർ സസ്‌പെൻഡ് ചെയ്തിട്ടുണ്ട്.
