“അമ്മേ, ഞാൻ നിങ്ങളെ ഒരുപാട് സ്നേഹിക്കുന്നു, അനിയനെ നോക്കണം”…മറ്റൊരു യൂട്യൂബറുമായുള്ള പ്രണയം തകർന്നു; വിദ്യാർഥിനിയായ യുട്യൂബർ മരിച്ചനിലയിൽ

“അമ്മേ, ഞാൻ നിങ്ങളെ ഒരുപാട് സ്നേഹിക്കുന്നു, അനിയനെ നോക്കണം”…മറ്റൊരു യൂട്യൂബറുമായുള്ള പ്രണയം തകർന്നു; വിദ്യാർഥിനിയായ യുട്യൂബർ മരിച്ചനിലയിൽ

ഹൈദരാബാദ്: യൂട്യൂബറുമായ കോളേജ് വിദ്യാർഥിനിയെ ഹൈദരാബാദിലെ വാടകവീട്ടിൽ തൂങ്ങി മരിച്ച നിലയിൽ കണ്ടെത്തി. വിശാഖപട്ടണം സ്വദേശിനിയായ ബോനു കൊമാലി (24)യാണ് മരിച്ചത്.

സംഭവം ആത്മഹത്യയാണെന്നാണ് പ്രാഥമിക നിഗമനം. പ്രണയബന്ധത്തിലുണ്ടായ പ്രശ്‌നങ്ങളാണ് ഇതിന് പിന്നിലെന്നാണ് പൊലീസ് വ്യക്തമാക്കുന്നത്.

ഹൈദരാബാദിലെ സ്വകാര്യ കോളേജിൽ ബി.എസ്.സി വിദ്യാർത്ഥിനിയായിരുന്ന കൊമാലി, തെലുഗ് ഭാഷയിൽ ലൈഫ്‌സ്റ്റൈൽ വീഡിയോകൾ അവതരിപ്പിച്ച് യൂട്യൂബിലൂടെ ശ്രദ്ധ നേടിയിരുന്നു. നഗരത്തിലെ വാടകവീട്ടിൽ ഒറ്റയ്ക്കായിരുന്നു താമസം.

തിങ്കളാഴ്ച പുലർച്ചെ കുവൈത്തിൽ ജോലി ചെയ്യുന്ന അമ്മയ്ക്ക് കൊമാലി മൊബൈൽ സന്ദേശം അയച്ചിരുന്നു. “അമ്മേ, ഞാൻ നിങ്ങളെ വളരെ സ്നേഹിക്കുന്നു. അനുജനെ നോക്കണം” എന്നായിരുന്നു സന്ദേശം. തുടർന്ന് ഫോൺ സ്വിച്ച് ഓഫ് ആയതായി പൊലീസ് അറിയിച്ചു.

സന്ദേശം ലഭിച്ചതിനെ തുടർന്ന് അമ്മ നിരന്തരം വിളിച്ചെങ്കിലും പ്രതികരണം ലഭിക്കാതെ വന്നതോടെ നാട്ടിലുള്ള സുഹൃത്തിനെ വിവരം അറിയിച്ചു. സുഹൃത്ത് വൈകിട്ട് വാടകവീട്ടിലെത്തിയപ്പോൾ വാതിൽ അകത്തുനിന്ന് പൂട്ടിയ നിലയിലായിരുന്നു.

പ്രതികരണം ലഭിക്കാതിരുന്നതിനാൽ വാതിൽ തകർത്തു അകത്ത് കടന്നപ്പോഴാണ് കൊമാലിയെ സീലിംഗ് ഫാനിൽ തൂങ്ങി മരിച്ച നിലയിൽ കണ്ടെത്തിയത്.

കഴിഞ്ഞ മൂന്ന് വർഷമായി ഒരു യൂട്യൂബറും സോഫ്റ്റ്‌വെയർ എൻജിനീയറുമായ 27-കാരനുമായി കൊമാലി പ്രണയത്തിലായിരുന്നുവെന്ന് പൊലീസ് പറഞ്ഞു.

അടുത്തിടെ ഇരുവരും വേർപിരിഞ്ഞതായും അതിനെ തുടർന്നുണ്ടായ മാനസിക വിഷമമാണ് ആത്മഹത്യയ്ക്ക് കാരണമായിരിക്കാമെന്നുമാണ് പ്രാഥമിക നിഗമനം.

ആറുമാസം മുമ്പും ആത്മഹത്യാശ്രമം നടത്തിയിരുന്നുവെന്ന വിവരവും പുറത്തുവന്നിട്ടുണ്ട്. ഫോൺ കോളുകൾ ഉൾപ്പെടെയുള്ള വിവരങ്ങൾ ശേഖരിച്ച് അന്വേഷണം പുരോഗമിക്കുകയാണ്.

ശ്രദ്ധിക്കുക: ആത്മഹത്യ ഒരിക്കലും പരിഹാരമല്ല. മാനസിക സംഘർഷങ്ങൾ നേരിടുമ്പോൾ സഹായം തേടുക. ‘ദിശ’ ഹെൽപ് ലൈൻ: ടോൾ ഫ്രീ 1056, 0471-2552056.

English Summary

A 24-year-old YouTuber and BSc student, Bonu Komali from Visakhapatnam, was found hanging in her rented house in Hyderabad. Police suspect suicide, reportedly linked to emotional distress following issues in a romantic relationship. She had sent a final message to her mother, who works in Kuwait, before her phone was switched off. Investigation is ongoing. Authorities have also shared mental health helpline details.

hyderabad-youtuber-bonu-komali-suicide-case

Hyderabad News, Bonu Komali, YouTuber Death, Student Suicide, Telangana Crime, Mental Health Awareness