ഉറങ്ങാൻ കിടന്നത് ബൈപ്പാസിൽ നിർത്തിയിട്ട ബസ്സിന് മുകളിൽ; ഉറക്കത്തിൽ താഴെ വീണ് യുവാവിന് ദാരുണാന്ത്യം; മരിച്ചത് കൊടുങ്ങല്ലൂർ ഭരണി ആഘോഷത്തിൽ പങ്കെടുക്കാൻ എത്തിയ യുവാവ്

തൃശ്ശൂർ: കൊടുങ്ങല്ലൂർ ഭരണിക്ക് പങ്കെടുക്കാൻ എത്തിയ യുവാവ് ബസ്സിന് മുകളിൽ നിന്നും താഴെ വീണ് മരിച്ചു. ഊട്ടി സ്വദേശി മനീഷ് (27) ആണ് മരിച്ചത്. കൊടുങ്ങല്ലൂർ ഭരണി ആഘോഷത്തിൽ പങ്കെടുക്കാൻ എത്തിയതായിരുന്നു ഇദ്ദേഹം. രാത്രി ബൈപ്പാസിൽ നിർത്തിയിട്ട ബസ്സിന് മുകളിലാണ് മനീഷ് ഉറങ്ങാൻ കിടന്നത്. ഉറക്കത്തിൽ താഴെ വീഴുകയായിരുന്നുവെന്നാണ് പൊലീസ് പറയുന്നത്. പുലർച്ചെ രണ്ടരയോടെയായിരുന്നു സംഭവം. ഉടൻ തന്നെ ഇയാളെ ആശുപത്രിയിൽ എത്തിച്ചെങ്കിലും മരിച്ചിരുന്നു.