പോലീസ് ജീപ്പിന് മുകളിൽ വലിഞ്ഞുകയറി പെൺകുട്ടിയും കാമുകനും
രാജസ്ഥാനിലെ കോട്ടയിൽ പ്രായപൂർത്തിയാകാത്ത പെൺകുട്ടിയും 22-കാരനായ യുവാവും ചേർന്ന് പൊലീസ് ജീപ്പിന് മുകളിൽ കയറി അതിക്രമം കാട്ടിയ സംഭവം വലിയ വാർത്തയായി.
സെപ്റ്റംബർ 19-നാണ് ഈ നാടകീയ സംഭവം അരങ്ങേറിയത്. പെൺകുട്ടിയെ കാണാനില്ലെന്ന് വീട്ടുകാർ കോട്ടയ്ക്ക് പുറത്തുള്ള നന്ത പൊലീസ് സ്റ്റേഷനിൽ പരാതി നൽകിയിരുന്നു.
രഹസ്യവിവരത്തെ തുടർന്ന് രാംപുരയിലെ പൊലീസ് ഇവരെ കണ്ടെത്തുകയായിരുന്നു. തുടർന്ന് വിശദീകരണത്തിനായി പൊലീസ് സ്റ്റേഷനിലേക്ക് കൊണ്ടുപോകാൻ ശ്രമിക്കുന്നതിനിടെയാണ് ഇരുവരും ചേർന്ന് പ്രതിഷേധത്തിലേർപ്പെട്ടത്.
യുവാവ് ആദ്യം പെൺകുട്ടിയെ ജീപ്പിന് മുകളിൽ കയറ്റി. പിന്നാലെ സ്വയം മുകളിൽ കയറി മുദ്രാവാക്യം വിളിക്കുകയും ബഹളം വെക്കുകയും ചെയ്തു.
പെൺകുട്ടി “അയാളെ വിടൂ” എന്ന് ആവർത്തിച്ച് അലറുന്നതും വീഡിയോയിൽ വ്യക്തമായി കാണാമായിരുന്നു. ഏകദേശം പത്ത് മിനിറ്റോളം നീണ്ടുനിന്നു.
മനംനൊന്ത് വീടുവിട്ട വീട്ടമ്മ തിരിച്ചെത്തി
ഈ സംഭവത്തെ തുടർന്ന് പ്രദേശത്ത് വലിയ ഗതാഗതക്കുരുക്കുണ്ടായി. ഒടുവിൽ പൊലീസ് ഇവരെ അനുനയിപ്പിച്ച് ജീപ്പിൽ കയറ്റി രാംപുര കോട്വാലി സ്റ്റേഷനിലേക്ക് കൊണ്ടുപോയി.
പൊതുസ്ഥലത്ത് ശല്യം സൃഷ്ടിച്ചതിനും പ്രായപൂർത്തിയാകാത്ത പെൺകുട്ടിയെ തട്ടിക്കൊണ്ടുപോവാൻ ശ്രമിച്ചതിനും യുവാവിനെതിരെ കേസ് രജിസ്റ്റർ ചെയ്തിട്ടുണ്ട്. ഈ സംഭവം സോഷ്യൽ മീഡിയയിൽ വ്യാപകമായി പ്രചരിക്കുകയും വലിയ ചർച്ചകൾക്ക് വഴിവയ്ക്കുകയും ചെയ്തു.
ബെൻസിൽ നിന്നും മാലിന്യം വലിച്ചെറിഞ്ഞ് കുടുംബം
ഗുരുഗ്രാം ∙ ആഡംബര വാഹനത്തിൽ എത്തി പൊതു വഴിയിൽ വളരെ കൂളായി മാലിന്യം തള്ളിയ ആൾക്കെതിരെ രൂക്ഷ വിമർശനവുമായി സമൂഹ മാധ്യമ ഉപയോക്താക്കൾ.
ഗുരുഗ്രാമിൽ നടന്ന സംഭവത്തെക്കുറിച്ച് ഒരു യുവാവ് പങ്കുവെച്ച കുറിപ്പാണ് ഇപ്പോൾ സൈബറിടത്ത് ചർച്ചയായിക്കൊണ്ടിരിക്കുന്നത്.
turbulentrikhi1990 എന്ന യൂസർ ആണ് തന്റെ കൺമുന്നിൽ കണ്ട മോശം അനുഭവം റെഡ്ഡിറ്റിൽ പങ്കുവെച്ചത്.
സംഭവത്തെ ധാരാളം ആളുകൾ വിമർശിക്കുകയും. വിഷയം വലിയ ചർച്ചകൾക്ക് വഴിയൊരുക്കുകയും ചെയ്തു.
ഗോൾഫ് കോഴ്സ് റോഡിൽ നടന്ന ഈ സംഭവത്തെക്കുറിച്ച് ഒരു യുവാവ് തന്റെ അനുഭവം റെഡ്ഡിറ്റിൽ പങ്കുവെച്ചതാണ് ഇപ്പോൾ ചർച്ചയാകുന്നത്. turbulentrikhi1990 എന്ന ഉപയോക്താവാണ് സംഭവം വിശദീകരിച്ചത്.
യുവാവ് തന്റെ പോസ്റ്റിൽ പറയുന്നതനുസരിച്ച്, സർവീസ് റോഡിൽ നിർത്തിയിട്ടിരുന്ന മെഴ്സിഡസ് കാറിൽ ഡ്രൈവറും പിന്നിൽ ഒരു സ്ത്രീയും ഇരുന്നുകൊണ്ടിരുന്നു.
ഭക്ഷണം കഴിച്ചതിന് ശേഷം, കാറിലെ സ്ത്രീ ഉപയോഗിച്ച നാപ്കിനുകളും പേപ്പർ പ്ലേറ്റുകളും നേരിട്ട് റോഡിലേക്ക് വലിച്ചെറിഞ്ഞു.
ഇത് കണ്ടപ്പോൾ തന്നെ, മാലിന്യം വലിച്ചെറിയാതെ സൂക്ഷിക്കണമെന്ന് യുവാവ് ആവശ്യപ്പെട്ടു. എന്നാൽ കാറിലെ യാത്രക്കാരുടെ മറുപടി അതിശയിപ്പിക്കുന്ന തരത്തിലായിരുന്നു.
“വാഹനത്തിന്റെ ഇന്റീരിയർ കേടാകും…”
വാഹനത്തിലുള്ളവർ പറഞ്ഞത്:
“ചുറ്റുപാടിൽ വേസ്റ്റ് ബാസ്ക്കറ്റുകൾ ഇല്ല.”
“കാറിൽ മാലിന്യം വെച്ചാൽ ഇന്റീരിയർ കേടാകാം.”
“വാഹനത്തിന്റെ പരിപാലനത്തിന് ചെലവ് കൂടുതലാണ്.”
ഇവ പറഞ്ഞ ശേഷമാണ് അവർ കൂടുതൽ സംസാരിക്കാതെ വാഹനം മുന്നോട്ടു കൊണ്ടുപോയത്.
സോഷ്യൽ മീഡിയയിലെ പ്രതികരണങ്ങൾ
സംഭവത്തെക്കുറിച്ച് റെഡ്ഡിറ്റിൽ പോസ്റ്റ് വന്നതോടെ ആയിരക്കണക്കിന് ആളുകൾ പ്രതികരിച്ചു.
യുവാവ് പ്രകൃതിയെ സംരക്ഷിക്കാൻ ധൈര്യത്തോടെ ചോദ്യം ചെയ്തതിൽ സമൂഹമാധ്യമ ഉപയോക്താക്കൾ അഭിനന്ദനമറിയിച്ചു.
എന്നാൽ കാറുടമയുടെയും കുടുംബത്തിന്റെയും പ്രവൃത്തിയെ കടുത്ത വിമർശനങ്ങൾ നേരിട്ടു.
“ഇത്തരത്തിലുള്ള ആളുകളാണ് പരിസ്ഥിതിയെ നശിപ്പിക്കുന്നത്” എന്നായിരുന്നു ഭൂരിഭാഗം പേരുടെയും അഭിപ്രായം.
