കണ്ണ് നമ്മൾ ഏറ്റവും ഷ്രസ്‌ഥയോടെ സൂക്ഷിക്കുന്ന അവയവമാണ്. കണിന് ചെറിയ എന്തെങ്കിലും അസുഖം വന്നാൽ പോലും നമ്മൾ ഉടനെ ഏതെങ്കിലും തുള്ളി മരുന്ന് മെഡിക്കൽ ഷോപ്പിൽ പോയി വാങ്ങി ഉപയോഗിക്കാറുണ്ട്. എന്നാൽ അങ്ങിനെ ചെയ്യുന്നതിലെ വലിയൊരു അപകടത്തെക്കുറിച്ച് മുന്നറിയിപ്പ് നൽകിയിരിക്കുകയാണ് യു.എസ് ഫുഡ് ആൻഡ് ഡ്രഗ് അഡ്മിനിസ്ട്രേഷൻ. ബാക്ടീരിയ മലിനീകരണത്തിന് സാധ്യതയുള്ളതിനാൽ 26 ഓവർ-ദി-കൌണ്ടർ ഐ ഡ്രോപ്പ് ഉൽപ്പന്നങ്ങൾ ഉപയോഗിക്കുന്നത് വിലക്കിയിരിക്കുകയാണ് എഫ്ഡിഎ യിലെ ഗവേഷകർ. ഒക്‌ടോബർ 27-ന് ട്രസ്റ്റഡ് സോഴ്‌സ് നൽകിയ ഡ്രഗ് സേഫ്റ്റി അലേർട്ടിൽ, ചില ഐ ഡ്രോപ്പ് ഉൽപ്പന്നങ്ങൾക്ക് കണ്ണിലെ അണുബാധ, കാഴ്ചക്കുറവ്, അന്ധത എന്നിവയ്ക്ക് കാരണമാകുമെന്ന് എഫ്ഡിഎ മുന്നറിയിപ്പ് നൽകി. ഉൽപ്പന്നങ്ങൾ പ്രമുഖ റീട്ടെയിലർമാരുടെയും ബ്രാൻഡ് നാമങ്ങളുടെയും ബാനറുകൾക്ക് കീഴിലാണ് വിപണനം ചെയ്യുന്നത്.
ചില ബ്രാൻഡുകൾ ചുവടെ പറയുന്നു:
CVS Health
Leader (Cardinal Health)
Rugby (Cardinal health)
Rite Aid
Target Up&Up
Velocity Pharma
മലിനമായഇത്തരം തുള്ളിമരുന്നുകൾ എളുപ്പത്തിൽ കണ്ണിലെ അണുബാധകൾക്കും കൂടുതൽ ഗുരുതരമായ ആരോഗ്യ പ്രത്യാഘാതങ്ങൾക്കും ഇടയാക്കും. 2023 ഒക്‌ടോബർ 25-ന്, ബാധിത ഉൽപ്പന്നങ്ങൾ മൊത്തത്തിൽ തിരിച്ചുവിളിക്കാൻ എഫ്ഡിഎ ഐ ഡ്രോപ്പുകളുടെ നിർമ്മാതാകാലോടെ ആവശ്യപ്പെട്ടിരിക്കുകയാണ്. ”ഈ ഉൽപ്പന്നങ്ങൾ അണുവിമുക്തമായിരിക്കേണ്ടതാണ്. എന്നാൽ, കണ്ണിൽ പ്രയോഗിക്കുന്ന ഈ മരുന്നുകൾ ശരീരത്തിന്റെ ചില സ്വാഭാവിക പ്രതിരോധങ്ങളെ മറികടക്കുന്നതിനാൽ ഇവ ഉപയോക്താക്കൾക്ക് അപകടസാധ്യത വർദ്ധിപ്പിക്കുന്നു, ”എഫ്ഡിഎ അവരുടെ പ്രഖ്യാപനത്തിൽ പറഞ്ഞു.
കണ്ണിലെ അണുബാധ എങ്ങനെ തിരിച്ചറിയാം
ഈ മരുന്നുകളിൽ ഏത് തരത്തിലുള്ള ബാക്ടീരിയ മലിനീകരണമാണ് ഉണ്ടാകാൻ സാധ്യതയെന്ന് ഇപ്പോൾ വ്യക്തമല്ല. എന്നിരുന്നാലും, അവ ഉപയോഗിച്ചിട്ടുണ്ടാകാം അല്ലെങ്കിൽ അവയുമായി സമ്പർക്കം പുലർത്തിയിരിക്കാമെന്ന് വിശ്വസിക്കുന്ന ഉപഭോക്താക്കൾ നേത്ര അണുബാധയുടെ ലക്ഷണങ്ങളെകുറിച്ച് അറിഞ്ഞിരിക്കണം. പ്രധാന ലക്ഷണങ്ങൾ ഇനിപ്പറയുന്നു:
കണ്ണിൽ നിന്ന് ഡിസ്ചാർജ്
വേദന അല്ലെങ്കിൽ അസ്വസ്ഥത
വീക്കം
ചുവപ്പ്
പ്രകാശത്തോടുള്ള വർദ്ധിച്ച സംവേദനക്ഷമത
മങ്ങിയ കാഴ്ച
നിങ്ങളുടെ കണ്ണിൽ എന്തോ ഉണ്ടെന്ന തോന്നൽ
