ജോലിയില്ലെങ്കിലും കുഴപ്പമില്ല ശമ്പളം തന്നാൽ മതി സാർ എന്നു പറയുന്നത് കേട്ടിട്ടില്ലേ അത് അക്ഷരാർത്ഥത്തിൽ അന്വർത്ഥമാക്കിയിരിക്കുകയാണ് ഈ കമ്പനി.ജോലി ഉപേക്ഷിച്ച് രാജി വയ്ക്കുന്ന ജീവനക്കാർക്ക് ഒരു വർഷത്തോളം ശമ്പളവും മറ്റ് ആനുകൂല്യങ്ങളും വാഗ്ദാനം ചെയ്ത് പ്രമുഖ കമ്പനിയായ മെക്കൻസി. പുതിയൊരു ജോലി കണ്ടെത്തുന്നതുവരെ ബുദ്ധിമുട്ടില്ലാതെ ജീവിക്കുന്നതിനാണ് ഒമ്പത് മാസത്തെ ശമ്പളം വെറുതേ നൽകുന്നത്. ഈ ഒമ്പത് മാസം പുതിയ ജോലി കണ്ടെത്താൻ ഉപയോഗിക്കണമെന്നാണ് മെക്കൻസി ഗ്രൂപ്പ് അധികൃതർ പറയുന്നത്. മാറിക്കൊണ്ടിരിക്കുന്ന ബിസിനസ് സാഹചര്യത്തിൽ തൊഴിലാളികളെ നിയന്ത്രിക്കുന്നതിന്റെ ഭാഗമായാണ് കമ്പനിയുടെ പുതിയ നയം. ഏകദേശം 1400 ജോലിക്കാരെ വെട്ടിക്കുറയ്ക്കുമെന്ന് കഴിഞ്ഞ വർഷം കമ്പനി പ്രഖ്യാപിച്ചിരുന്നു.
ജോലി ഉപേക്ഷിച്ചു കഴിഞ്ഞുള്ള ഒമ്പത് മാസം പുതിയ ജോലി കണ്ടെത്താൻ ഉപയോഗിക്കണമെന്നാണ് മെക്കൻസി ഗ്രൂപ്പ് അധികൃതർ പറയുന്നത്. ഇതിനു വേണ്ടിയാണ് ഈ ഒമ്പത് മാസവും ജീവനക്കാർക്ക് മുഴുവൻ ശമ്പളവും നൽകുന്നത്. അതോടൊപ്പം ഒരു ജീവനക്കാരന് കമ്പനി നൽകുന്ന എല്ലാ ആനുകൂല്യങ്ങളുംലഭിക്കും. എന്നാൽ, ഈ കാലയളവിനുള്ളിൽ പുതിയ ജോലി കണ്ടെത്താൻ കഴിയാത്തവർക്ക് കാലാവധി നീട്ടി നൽകുന്നതല്ല എന്ന് മാത്രമല്ല, ഒമ്പത് മാസത്തിന് ശേഷം അവർക്ക് കമ്പനിയിൽ തുടരാനും സാധിക്കില്ല.
Read also: ആലപ്പുഴ മെഡിക്കൽ കോളേജിൽ ശുചിമുറിയിൽ കുളിക്കാൻ കയറിയ 10വയസ്സുകാരിയെ കയറിപ്പിടിച്ചു; യുവാവ് അറസ്റ്റിൽ
